ZŠA padrychtavali novyja sankcyi suprać Rasii z-za atručvańnia Siarhieja Skrypala i jaho dački Julii, paviedamlaje Bloomberg sa spasyłkaj na krynicy.
Pavodle ahienctva, pakiet abmiežavańniaŭ užo hatovy i čakaje ŭchvaleńnia Biełym domam. Jakija mienavita sankcyi buduć uviedzienyja, vydańnie nie ŭdakładniaje.
U žniŭni 2018 hoda Dziarždepartamient ZŠA abjaviŭ pra uviadzieńnie sankcyj suprać Rasii, uskłaŭšy na rasijskija ŭłady adkaznaść za prymianieńnie ŭ Vialikabrytanii atrutnaha rečyva «Navičok». Ale tady była zadziejničana tolki častka abmiežavańniaŭ, a mienavita zabarona ekspartu tavaraŭ i technałohij, źviazanych z nacyjanalnaj biaśpiekaj.
Druhi pakiet abmiežavańniaŭ (u ich lik uvachodzić panižeńnie statusu dvuchbakovych adnosin, poŭnaja zabarona na ekspart tavaraŭ z ZŠA i impart u ZŠA, zabarona na pavietranyja znosiny dla dziaržaŭnych pieravozčykaŭ) tady ŭviedzieny nie byŭ.
«Moj kachany nie čytaje naviny, kali jany napisanyja pa-biełarusku». Darja Caryk stała na abaronu ruskaj movy i pryplała navat Paźniaka48
Kamientary