U sudzie Maskoŭskaha rajona Bresta siońnia abviaścili prysud pa kryminalnaj spravie ŭ dačynieńni da 24-hadovaha žychara Maskvy, jaki abvinavačvajecca ŭ niezakonnym abarocie narkotykaŭ, pieradaje BiełTA.
Na abviaščeńni prysudu prysutničali baćki maładoha čałavieka. Sud pryznaŭ rasijanina vinavatym u niezakonnym biez mety zbytu zachoŭvańni i pieravozcy narkotykaŭ i pieramiaščeńni praź dziaržaŭnuju miažu narkotykaŭ.
Jamu pryznačyli try hady pazbaŭleńnia voli ŭ papraŭčaj kałonii ŭzmocnienaha režymu. Taksama kanfiskavany aŭtamabil u dachod dziaržavy.
Syn rasijskaha aliharcha Alaksandr Šaryha byŭ zatrymany ŭ noč na 29 śniežnia 2018 hoda ŭ punkcie propusku «Varšaŭski most». U jaho asabistych rečach i sałonie aŭtamabila «Miersiedes», na jakim jon sa spadarožnicaj viartaŭsia sa šmatdzionnaha turne pa Jeŭropie, supracoŭniki mytni vyjavili hašyšny alej i marychuanu. Sam Šaryha byŭ pjany.
Ciapier čytajuć
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy2121
Kamientary