Z uspaminaŭ Aleha Trusava, apublikavanych na ARCHE.By.
Roskvit BNF prypaŭ na 1991—1992 hady. U jaho šerahi stali bolej za 40 tysiač čałaviek, jaho struktury byli va ŭsich rajonach Biełarusi.
Adnak u Sojmie źjaviłasia hrupa ludziej, jakija vyrašyli pryvatyzavać ruch, i na jaho bazie jany chucieńka stvaryli i zarehistravali Partyju BNF. Takim čynam, vialiki ruch, dzie było miesca i hramadoŭcam, i abjadnanym demakratam, i nacyjanalnym ci chryścijanskim demakratam, i prosta pryncypova biespartyjnym ludziam, chutka raspaŭsia na asobnyja častki, jakija pačali spračacca i razychodzicca ŭ roznyja baki.
Nieŭzabavie adbylisia prezydenckija vybary.
Partyja BNF adrazu adkinuła inšyja partyi i navat nia staviła pytańnie pra šmatpartyjny blok z adzinym kandydatam u prezydenty. Jana vyłučyła svajho lidara Zianona Paźniaka i źbirałasia pieramahčy na vybarach adnaasobna.
BSDH i ADP vyłučyli Stanisłava Šuškieviča. Vyniki vybaraŭ my dobra viedajem.
Byli tady i prapanovy vyłučyć jak kampramisnuju fihuru ŭ prezydenty Vasila Bykava, čałavieka, jakoha viedali ŭ kožnaj siamji i jaki moh abjadnać vakoł siabie nacyjanalnyja siły. Ale hetych ludziej nichto nia słuchaŭ, bo ŭłasnyja ambicyi lidaraŭ Partyi BNF byli nieabsiažnyja. Bykaŭ ža moh pahadzicca na vyłučeńnie tolki tady, kali b jaho ab hetym paprasili razam Zianon Paźniak i Stanisłaŭ Šuškievič.
