![](http://nnexpictures.fra1.digitaloceanspaces.com/img/w732d4webp1/photos/z_2019_04/darya_naumova_dom-9-ad103.jpg.webp)
Alaksandr Łukašenka pavinšavaŭ člena nacyjanalnaj kamandy pa ciažkaj atletycy Darju Navumavu z vydatnym vystupleńniem na čempijanacie Jeŭropy, paviedamlaje jaho pres-słužba.
«Da tvaich siarebranych uznaharod Alimpijady 2016 hoda i płanietarnaha pieršynstva 2018 hoda ciapier dadaŭsia załaty miedal čempijanatu Jeŭropy. Hetym vysokim vynikam ty abaviazanaja, pierš za ŭsio, svajmu mocnamu charaktaru i metanakiravanaści», - havorycca ŭ vinšavańni.
Kiraŭnik dziaržavy padziakavaŭ za padoranyja imhnieńni honaru za rodnuju krainu i ajčynnuju škołu ciažkaj atletyki.
U dvajaborji ŭ vahavoj katehoryi da 76 kh pa sumie dvuch praktykavańniaŭ Darja Navumava pakazała vynik 242 kh (106 u ryŭku + 136 u šturšku). Pryčym jana adzinaja z usich udzielnic, što paśpiachova vykanała ŭsie 6 sprobaŭ (100, 104, 106 u ryŭku i 126, 131, 136 u šturšku).
Usiaho ŭ aktyvie zbornaj Biełarusi na čempijanacie Jeŭropy ŭžo piać uznaharod. Raniej zołata zavajavaŭ Hienadź Łapcieŭ (da 61 kh), bronzavymi pryziorami stali Julija Asajonak (da 45 kh) i Vadzim Licharad (da 73 kh), sierabro ŭ vahavoj katehoryi da 81 kh vyjhraŭ Piotr Asajonak.
Kamientary