Alaksandr Łukašenka 12 krasavika padpisaŭ ukaz №145 «Ab stvareńni ŭstanovy adukacyi «Nacyjanalny dziciačy technapark».
Hetuju ŭstanovu stvorać u Minsku da 1 studzienia 2021 hoda. Štohod u technaparku buduć prachodzić navučańnie kala 2 tysiač najbolš adoranych dziaciej — vučniaŭ 6-11-ch kłasaŭ z usich rehijonaŭ krainy. Dla ich raspracoŭvajecca śpiecyjalnaja adukacyjnaja prahrama, raźličanaja na 21 dzień. Zatym dadatkovaja adukacyja praciahniecca pa indyvidualnych płanach z dystancyjnym supravadžeńniem vykładčykami technaparku.
Ź dziećmi buduć pracavać vysokakvalifikavanyja piedahohi, navukoŭcy, vykładčyki vyšejšych navučalnych ustanoŭ, supracoŭniki navukova-daśledčych i pramysłovych arhanizacyj. U infrastrukturu technaparku ŭvojduć vučebna-łabaratorny korpus z sučasnym abstalavańniem, internat dla pražyvańnia navučencaŭ. Pražyvańnie i charčavańnie buduć zabiaśpiečvacca za košt srodkaŭ biudžetu.
