Kancern «Biełnaftachim» pryniaŭ rašeńnie časova abmiežavać ekspartnyja pastaŭki naftapraduktaŭ z ulikam siońniašniaj situacyi. Pra heta zajaviŭ siońnia namieśnik staršyni kancerna «Biełnaftachim» Uładzimir Sizoŭ na pasiadžeńni apieratyŭnaha štaba pa kantrolu za situacyjaj pa pastaŭkach nafty, jakoje adbyłosia ŭ AAT «Naftan», piša BiełTA
«Z ulikam praviadzieńnia pasiaŭnoj kampanii, nieabchodnaści zabieśpiačeńnia ŭnutranaha rynku, najaŭnych ryzyk pa pierapracoŭcy syraviny z paharšeńniem jakaści nami pryniata rašeńnie ab časovym abmiežavańni pastavak naftapraduktaŭ pa ekspartnych napramkach», — paviedamiŭ namieśnik staršyni kancerna.
«Abmiežavańnie nosić časovy charaktar, i pa miery vypraŭleńnia situacyi abaviazacielstvy pa staŭkach našym zamiežnym kontrahientam buduć vykanany», - padkreśliŭ Uładzimir Sizoŭ.
Namieśnik premjer-ministra Biełarusi Ihar Lašenka akcentavaŭ uvahu na tym, što situacyja pad kantrolem. «Pavodle infarmacyi rasijskaha boku, situacyja pavinna palapšacca štosutačna», - dadaŭ jon.
U pasiadžeńni apieratyŭnaha štaba na čale z namieśnikam premjer-ministra Iharam Lašenkam pryniali ŭdzieł pradstaŭniki kancerna «Biełnaftachim», Biełaruskaj naftavaj kampanii, NPZ i AAT «Homieltransnafta Družba».
