Hetaha varyjantu nie vyklučaje premjer-ministr Litvy Andrus Kubilus.
Hetaha varyjantu nie vyklučaje premjer-ministr Litvy Andrus Kubilus.
Jon zajaviŭ, što infarmacyja pra płany Biełarusi, Polščy i Rasiei budavać svaje AES vakoł Litvy moža być usiaho tolki kamiercyjnaj hulnioj.
«Usie hetyja prydumki vakoł — my nie pierakananyja ŭ tym, što jany nasamreč realnyja. Niekatoryja ź ich mienavita dziela taho i pryznačanyja, kab my sabie pastavili takoje pytańnie — a dziela čaho Litvie ŭłasnaja elekrastancyja, kali vakoł niby budujucca ažno čatyry. Časam hetkija prajekty, pieradusim u našych uschodnich susiedziaŭ, razhladajucca adno dziela taho, kab my razhubilisia ŭ svaich razvažańniach, i heta tarmaziła by budaŭnictva stratehičnaha abjektu — novaje AES», — vykazaŭsia Kubilus u intervju radyjostancyi Lietuvos radijas u aŭtorak.
Litoŭski premjer kaža, što akurat susiedzi Litvy musiać dobra zadumacca pra svaje mahčymaści. U litoŭcaŭ jość ułasny dośvied takoha budaŭnictva. I Litva budzie budavać novuju AES, supolna z enierhietyčnymi kampanijami Polščy, Łatvii dy Estonii. AES mahutnaściu 3400 miehavat maje paŭstać u 2010—2021 hadach.
Biełaruski ŭrad abvieściŭ pra svaje płany zbudavańnia atamnaj stancyi na samaj miažy ź Litvoj u rekordna ścisłyja terminy — da 2012 hodu.
Adnačasova
razrastańnie hazavaha kanfliktu miž Rasijaj i Ŭkrainaj pryvodzić da pierahladu enerhietyčnaje palityki ŭ Eŭropie, navat nasupierak rašeńniam ES.Hetak, pra pra adnaŭleńnie pracy spynienych reaktaraŭ na AES zahavaryli ŭ Słavaččynie, što maje zakrytuju stancyju ŭ Jasłoŭskich Bahunicach, i Litvie, dzie na miažy ź Biełaruśsiu staić Ihnalina.
Kiraŭnik Ihnalinskaje AES Viktar Ševałdzin zajaviŭ: «Spynieny enerhabłok možna było b iznoŭ zapuścić i jon biez prablemaŭ zmoh by jašče pracavać 2 z pałovaju hady, da siaredziny 2012 hoda. Tady varta zrabić acenku stanu kanałaŭ reaktara i tolki na hetkaj padstavie možna budavać prahnozy adnosna dalejšaje dziejnaści stancyi. Adnak u nas niama takich płanaŭ i zadač — my rychtujemsia da zakryćcia druhoha enerhabłoka. My nie płanujem anijakaje dziejnaści paśla zakryćcia stancyi».
Nahadajem, častka słužbaŭ, achaładžalnych sistemaŭ i vodazabieśpiačeńnie Ihnalinskaje AES znachodziacca ŭ Biełarusi, u Dryśviatach. U svoj čas litoŭski bok prapanavaŭšy byŭ Biełarusi dałučycca da madernizacyi stancyi zamiest pabudovy novaje. Kali ž AES budzie pabudavanaja ŭ sotni kiłametraŭ ad Ihnaliny, na litoŭskaj miažy, u Astravieckim rajonie, to ekałahičnaja metazhodnaść zakryćcia AES u Litvie adpadzie.
«Možna razhladać mnostva mahčymaściaŭ, ale pieradusim musić być palityčnaje rašeńnie našych uładaŭ, bo razhladać usie astatnija varyjanty, nie majučy takoha rašeńnia — biessensoŭna», — skazaŭ sp. Ševałdzin u intervju litoŭskaj hazecie Respublika.
Pavodle słovaŭ Ševałdzina,
pakul zakon ab zakryćci stancyi nie pryniaty. Niama i rašeńnia ab praciahu jaje ekspłuatacyi.Rasijska-ŭkrainski hazavy kanflikt moža padšturchnuć ułady pryniać rašeńnie chutčej.
Staruju Ihnalinskuju AES začyniajuć, bo jana była zbudavanaja pa rasijskich technałohijach, jakija paśla Čarnobylu ŭ Jeŭropie ličać nienadziejnymi. Novuju AES u Litvie majuć uźvieści pa technałohijach. što adpaviadajuć standartam ES.
Zastajucca pytańni pa finansavańni prajektu. Varšava padradžajecca ŭnieści ŭ jaho treciuju častku srodkaŭ tolki ŭ tym vypadku, kali treciaja častka vypracavanaha stancyjaj toku paciače ŭ Polšču.
Ciapier čytajuć
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier

Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu

Kamientary