Śledam za karekciroŭkaj kursu nacyjanalnaj valuty ŭ Biełarusi pavinny adbycca libieralizacyja cen i zarpłat. Pra heta havorycca ŭ zajavie namieśnika dyrektara‑rasparadčyka MVF Takatošy Kato pa vynikach abmierkavańnia pytańnia ab Biełarusi na Vykanaŭčaj radzie dyrektaraŭ.
Za karekciroŭkaj kursu nacyjanalnaj valuty ŭ Biełarusi pavinny adbycca najvažniejšyja strukturnyja reformy, u tym liku libieralizacyja cen i zarpłaty. Pra heta havorycca ŭ zajavie namieśnika dyrektara‑rasparadčyka MVF Takatošy Kato pa vynikach abmierkavańnia pytańnia ab Biełarusi na Vykanaŭčaj radzie dyrektaraŭ.
Namieśnik dyrektara‑rasparadčyka MVF zaznačyŭ, što karekciroŭka parytetu abmiennaha kursu dapamoža adnavić kankurentazdolnaść i pieraadoleć źniešnija dysbałansy. Pryniaćcie novaha valutnaha košyka i bolš šyrokaha kalidora dazvolić ekanomicy lepš adaptavacca da źniešnich šokaŭ i tym samym źmienšyć vierahodnaść taho, što spatrebiacca dadatkovyja karekciroŭki kursu. Pavyšeńnie pracentnych stavak, jakoje papiaredničała pierachodu da novaha režymu abmiennaha kursu, i ich nastupnyja pavyšeńni buduć sadziejničać padtrymcy novaha režymu abmiennaha kursu, zaznačyŭ adzin z kiraŭnikoŭ MVF.
Pavodle słoŭ T.Kato, zapłanavanyja ŭradam najvažniejšyja miery ŭklučajuć skaračeńnie metavaha kredytavańnia, dasiahnieńnie zbałansavanaści biudžetu i abačlivuju palityku ŭ halinie zarpłaty ŭ dziaržaŭnym siektary.«Ułady Biełarusi taksama płanujuć u supracoŭnictvie z Suśvietnym bankam praanalizavać sistemu sacyjalnaj abarony, z tym kab najbolš uraźlivyja hrupy byli abaronieny ad ekanamičnaha spadu i nastupstvaŭ pavyšeńnia taryfaŭ na kamunalnyja pasłuhi», — paviedamiŭ T.Kato.
Aprača taho, zaznačyŭ jon, dla padtrymańnia bolš vysokich siarednieterminovych tempaŭ rostu taksama «nieabchodnyja bolš ahulnyja miery» ŭ padtrymku raźvićcia pryvatnaha siektara, u tym liku skaračeńnie orhanaŭ dziaržkiravańnia, derehulavańnie i pryvatyzacyja, jakija pavinny ažyćciaŭlacca «maksimalna chutka, nakolki dazvalajuć rynačnyja ŭmovy».
«Strukturnaja reforma ŭ finansavym siektary źjaŭlajecca važnym pryjarytetam prahramy. Ułady ŭžo pryniali ahulnuju harantyju pa ŭkładach, ale asnovu padtrymki likvidnaści i płaciežazdolnaści finansavaha siektara jašče nieabchodna ŭdakładnić. Taksama vielmi važna ačyścić bankaŭskuju sistemu ad metavaha kredytavańnia. Heta palepšyć stymuły dla bankaŭ i ich pazyčalnikaŭ da kiravańnia ryzykami i ŭmacuje stanovišča kapitału bankaŭ», — padkreśliŭ T.Kato.
Pavodle infarmacyi MVF, miery pa biudžetnaj kansalidacyi niepasredna skiravanyja na źnižeńnie tempaŭ rostu inviestycyj i spažyvańnia.
U 2009 hodzie zapavolicca rost zarpłaty ŭ biudžetnaj śfiery i siektary dziaržaŭnych pradpryjemstvaŭ, i buduć abmiežavanyja dziaržaŭnyja inviestycyi.Buduć taksama skaročanyja asobnyja subsidyi, ale pry hetym budzie ŭmacavana sistema sacyjalnaj abarony dla padtrymki najbolš uraźlivych słajoŭ nasielnictva.
U 2009 hodzie ŭ Biełarusi prahnazujecca rezkaje źnižeńnie ekanamičnaj aktyŭnaści;
pavodle prahnozu MVF tempy rostu VUP składuć 1—2%, tady jak u 2008 hodzie jany dasiahnuli 10,5%.Zhodna z prahnozami inflacyja ŭ 2009 hodzie źnizicca z 13 da 11,5%.
Jak užo paviedamlałasia, Vykanaŭčy saviet MVF 12 studzienia zaćvierdziŭ damoŭlenaść ab kredycie «stend‑baj» dla Biełarusi terminam na 15 miesiacaŭ na 2,46 młrd. dołaraŭ ZŠA. Pieršy tranš kredytu ŭ pamiery 788 młn. dołaraŭ pastupić u Biełaruś užo siońnia.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary