Upieršyniu ŭ historyi kurs amierykanskaha dalara pierakročyŭ miažu ŭ 32 rasijskija rubli. Źnižajecca kurs rasijskaha rubla i ŭ Biełarusi.
Upieršyniu ŭ historyi kurs amierykanskaha dalara pierakročyŭ miažu ŭ 32 rasijskija rubli.
Papiaredni maksimum — 31,88 – byŭ dasiahnuty 6 hadoŭ tamu. Ranicaj čaćviarha na tarhach Maskoŭskaj mižbankaŭskaj valutnaj biržy ŭhody zaklučajucca pa 32 rubli i 20 kapiejek.
Rasijski Centrabank pastupova devalvuje rubiel u suadnosinach da bivalutnaha košyka - siońnia na 50 kapiejek. Heta jon zrabiŭ čaćvierty raz za piać dzion, paviedamlaje Echo Moskvy.
U cełym rasijski rubiel za apošnija dva miesiacy ŭpaŭ na 19% proci košyka suśvietnych valutaŭ. Urad Rasii ŭzvažvaje mahčymaść pierahladu biudžetu-2009 z raźliku na siaredniehadavy kurs rubla, roŭny 35 za dalar. Heta aznačaje, što rubiel moža źnizicca da 38-40 rubloŭ za dalar da kanca, ci jašče bolš na 20%. U takoj situacyi dziŭnymi padajucca razmovy ab mahčymaj pryviazcy biełaruskaha rubla da rasijskaha.
***
Źnižajecca kurs rasijskaha rubla i ŭ Biełarusi.
Startavaŭ jon 2 studzienia z kursu, ustanoŭlenym ajčynnym Nacbankam, 90 biełaruskich rubloŭ 16 kapiejek.
Ciaham dvuch tydniaŭ jahony kurs paniziŭsia. Na 15 studzienia ustanaviŭ kurs ras. rubla na ŭzroŭni 83,96. U abmieńnikach siońnia kuplajuć rasijski rubiel amal jak da Novaha hodu: pa 75--80 rubloŭ, pradajuć na canie ad 83,50 da 86,50 rubloŭ.
Patańnieŭ i jeŭra. Kurs Nacbanka na siońnia składaje 3 517 rubloŭ 88 kapiejek za adzinku jeŭrapiejskaj valuty, u abmieńnikach jeŭra kuplajuć pa canie 3 450 - 3520 rubloŭ, pradajuć pa 3550-3588 rubloŭ.
Kurs dalara zastajecca amal niaźmiennym. Pavodle Nacbanka, na siońnia jon raŭniajecca 2650 biełaruskim rublam. U abmieńnikach stalicy jaho možna zdać pa kursie 2 640 - 2683 rubli, nabyć pa canie ad 2685 rubloŭ da 2 703 rubloŭ.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary