Biełaruś atrymała pieršy tranš kredytu Mižnarodnaha valutnaha fondu ŭ pamiery 787,9 młn. dalaraŭ ZŠA, paviedamili BiełaPAN va ŭpraŭleńni infarmacyi Nacyjanalnaha banka.
Nahadajem, Vykanaŭčy saviet MVF 12 studzienia 2009 hoda ŭchvaliŭ prahramu «stend‑baj» dla Biełarusi ŭ abjomie pryblizna 2,46 młrd. dalaraŭ ZŠA terminam na 15 miesiacaŭ. Biełaruś źviarnułasia pa atrymańnie kredytu da hetaj mižnarodnaj finansavaj arhanizacyi ŭ kastryčniku 2008 hoda «ŭ metach pavieličeńnia dziaržaŭnych zołatavalutnych reziervaŭ i stvareńnia «paduški biaśpieki», nieabchodnaj dla stabilnaj pracy ekanomiki va ŭmovach suśvietnaha finansavaha kryzisu».
Jak paviedamili ŭ Nacbanku, atrymanyja srodki buduć zaličany ŭ skład zołatavalutnych reziervaŭ krainy i ŭ dalejšym buduć vykarystoŭvacca dla padtrymańnia kursu nacyjanalnaj valuty.
Za minuły hod mižnarodnyja reziervovyja aktyvy (zołatavalutnyja reziervy) Biełarusi, raźličanyja pavodle standartaŭ MVF, skaracilisia na 1 młrd. 121,1 młn. dalaraŭ (26,8%), u tym liku za śniežań 2008 hoda — na 714,3 młn. dalaraŭ.
Pavodle infarmacyi MVF, uzhodnienyja ź biełaruskim bokam miery ŭklučajuć bolš mocnuju hrašova‑kredytnuju palityku i sistemu palityki abmiennaha kursu, abmiežavańnie padatkova‑biudžetnaj palityki šlacham skaračeńnia dziaržinviestycyj i metavaha bankaŭskaha kredytavańnia, a taksama strohaje abmiežavańnie zarpłaty ŭ dziaržaŭnym siektary.
Pieramovy ab vydzialeńni Biełarusi kredytu vialisia ekśpiertami MVF z pradstaŭnikami biełaruskich uładaŭ na praciahu dvuch miesiacaŭ, z kanca kastryčnika pa kaniec śniežnia 2008 hoda.
U 1995 hodzie MVF spyniŭ vydzialeńnie kredytaŭ Biełarusi z‑za nieadpaviednaści ekanamičnaj palityki ŭrada rekamiendacyjam fondu. U pačatku 2004 hoda ŭrad i Nacbank Biełarusi zajavili pra adsutnaść nieabchodnaści ŭ pryciahnieńni kredytnych resursaŭ MVF. Z taho času supracoŭnictva z fondam było skancentravana na atrymańni techničnaj dapamohi i kansultacyj.
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI9
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary