Zialenski sustreŭsia z kiraŭnikami abiedźviuch pravasłaŭnych cerkvaŭ Ukrainy
Abrany prezident Ukrainy Uładzimir Zialenski sustreŭsia ź mitrapalitam Ukrainskaj pravasłaŭnaj carkvy Maskoŭskaha patryjarchata Anufryjem. Sustreča adbyłasia 30 krasavika na terytoryi mitrapolnaj rezidencyi Fieafanii, paviedamlaje infarmacyjna-aśvietnicki adździeł UPC MP.
Baki abmierkavali «situacyju, jakaja skłałasia ŭ relihijnaj śfiery Ukrainy». Padrabiaznaści razmovy pres-słužba UPC nie pryvodzić.
Zialenski pavinšavaŭ mitrapalita ź Vialikadniem, a pradstajaciel UPC, u svaju čarhu, pavinšavaŭ taho z vybrańniem na pasadu prezidenta krainy i pažadaŭ jamu «błasłaŭleńnia na novym i adkaznym šlachu słužeńnia Ukrainie i jaje narodu».
U paviedamleńni kamandy Zialenskaha ŭ Facebook havorycca, što ŭdzielniki sustrečy abmierkavali «pytańni raźvićcia ahulnačałaviečych kaštoŭnaściaŭ», a taksama situacyju na ŭschodzie krainy, i adznačyli, što «dziaržava i carkva pavinny prykłaści maksimum namahańniaŭ dla naładžvańnia miru i adnaŭleńnia adzinstva Ukrainy».
Akramia taho, Zialenski pravioŭ sustreču z kiraŭnikom Pravasłaŭnaj carkvy Ukrainy mitrapalitam Jepifanijem, paviedamiła kamanda abranaha prezidenta. Na sustrečy abmiarkoŭvalisia «prablemy, jakija stajać pierad Ukrainaj, u pryvatnaści, šmathadovy kanflikt na Danbasie», a taksama temy baraćby z karupcyjaj i biednaściu.
Kamientary