Aktyvista Ruchu za Svabodu Aleha Pronskaha vyklikali da pieršaha prarektara Haradzienskaha dziaržaŭnaha ahrarnaha ŭniviersiteta na «prafiłaktyčnuju hutarku» z nahody jaho hramadskaj aktyŭnaści.
Prarektar paraiŭ Alehu Pronskamu spynić hramadska-palityčnuju dziejnaść, inakš haspadarka, u jakuju raźmierkavany student 5-ha kursu, moža admovicca ad takoha śpiecyjalista, i ŭniviersitet vymušany budzie pieraraźmierkavać jaho ŭ Homielskuju vobłaść.
* * *
Siońnia dva kapitany KDB praviali dopyt Aleha Pronskaha ŭ kabiniecie namieśnika dekana ahranamičnaha fakulteta Haradzienskaha dziaržaŭnaha ahrarnaha ŭniviersiteta.
«My razmaŭlali kala hadziny. Spačatku jany narakali, što ja sapsavaŭ sabie vydatny los: jany namiervalisia nakiravać mianie ŭ śpiecnaz, potym uziać na pracu ŭ KDB. Potym paviedamili, što maje kalehi pa Ruchu za Svabodu nibyta kuplajuć mašyny, damy i halštuki pa 50 dalaraŭ. Dakładna raspaviali ab majoj dziejnaści ŭ ruchu.
Kapitany prapanavali mnie try vybary: ja spyniaju aktyŭnuju hramadskuju dziejnaść, i mianie pakidajuć u supakoi, nie pieraraźmiarkoŭvajuć u Homielskuju vobłaść. Druhi: ja raspaviadaju ŚMI ab hutarcy i praciahvaju dziejnaść, i tady mianie pieraraźmiarkujuć na Homielščynu i naohuł ja pałamaju sabie žyćcio. I treci: ja supracoŭničaju z KDB, i tady mianie čakaje dobraja žyćciovaja karjera», - skazaŭ moładzievy aktyvist.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary