Stała viadoma, kolki z pačatku hoda demantavali anten z fasadaŭ damoŭ u Minsku
Z pačatku hoda haradžanie i supracoŭniki žyllova-ekspłuatacyjnych arhanizacyj demantavali 285 indyvidualnych anten, ustalavanych na fasadach damoŭ, paviedamiŭ «Minsk-Navinam» namieśnik hienieralnaha dyrektara «Minskaja haradskaja žyllovaja haspadarka» Cimafiej Kremiez.
— Usiaho pa žyllovym fondzie Minska z pačatku hoda vydadziena 1 693 pradpisańni na pryviadzieńnie indyvidualnych anten u naležny stan, — udakładniŭ surazmoŭca.
Pa dadzienych MHŽH, paśla abśledavańnia 96 damoŭ, jakija adnosiacca da historyka-kulturnych kaštoŭnaściej, składziena 79 pratakołaŭ ab administracyjnych pravaparušeńniach pa samavolna ŭstalavanych antenach, ułaśnikam vydadzieny pradpisańni ab ustaranieńni parušeńniaŭ. Da hetaha času 70 anten demantavana, u dačynieńni da ŭładalnikaŭ takoha abstalavańnia, jakija nie pažadali vykonvać zahady, padadziena dva pazovy ŭ sud.
Nahadajem, samavolnaja ŭstanoŭka indyvidualnych anten i inšych kanstrukcyj zabaronienaja. Za heta praduhledžanaja adkaznaść u vyhladzie štrafu da 30 bazavych vieličyń dla fizasoby, ad 30 da 50 bazavych - dla jurydyčnaj asoby. Bazavaja vieličynia składaje na siońnia — 25,5 rubla.
Kamientary