Na praśpiekcie Dziaržynskaha ŭ Minsku stała mienš zatoraŭ. Heta ŭdałosia zrabić dziakujučy rekanstrukcyi skryžavańnia z 2-m zavułkam Rozy Luksiemburh.
Raniej kala budynka administracyi Maskoŭskaha rajona isnavała skryžavańnie ŭ vyhladzie litary «T». Z 2-ha zavułka Rozy Luksiemburh možna było paviarnuć jak naprava, u bok da Hrušaŭki i Malinaŭki, tak i naleva — u centr.
Levyja pavaroty stvarali peŭnaje napružańnie, bo prymušali spyniacca na čyrvonaje śviatło ŭvieś patok mašyn pa praśpiekcie Dziaržynskaha.
Ciapier ža levyja pavaroty na praśpiekt Dziaržynskaha i z praśpiekta Dziaržynskaha zabaronieny.
Pryčym nie tolki znakami, ale i kanstruktyŭna. Rabočyja užo vykłali plitku na miescy raniejšaj raździalalnaj zony.
Aŭtamabili, jakim treba vyjechać z Hrušaŭki ŭ centr Minska, zmohuć skarystacca novaj raźviazkaj, jakaja budzie adkryta ŭ siaredzinie maja.
Chto zastaŭsia ŭ minusie ad novaŭviadzieńnia, dyk heta klijenty hatela «Reniesans». Kab padjechać da jaho z boku centra, treba budzie razvaročvacca na skryžavańni kala haradskoj DAI.
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy20
Kamientary