Biełaruś choča mieć mirnyja i družalubnyja adnosiny ź Litvoj. Pra heta Alaksandr Łukašenka zajaviŭ siońnia na sustrečy z eks-prezidentam Litvy, deputatam Jeŭrapiejskaha parłamienta Rałandas Paksas, piša BiełTA
«Pakolki my susiedzi, a ich nie vybirajuć, jany ad Hospada, nam pryjdziecca žyć, jak susiedziam, chočam my hetaha ci nie. Kab žyć mirna i družna (my inšaha šlachu ŭ Biełarusi nie bačym, vy heta dobra viedajecie i razumiejecie), treba mieć znosiny i razmaŭlać na roznyja temy, pačynajučy ad ahulnaj prablemy biaśpieki ŭ rehijonie (ciapier, vy viedajecie, u Jeŭropie štarmić i vielmi mocna, daj boh, kab hety štorm supakoiŭsia). Ź inšaha boku, jość miascovyja prablemy. Da prykładu, budaŭnictva atamnaj stancyi — tema, jakaja vielmi aktualnaja ŭ Litvie i, jak my ličym, vielmi palityzavana», - skazaŭ Alaksandr Łukašenka.
Jeŭradeputat Rałandas Paksas prybyŭ ź vizitam u Minsk pa svajoj inicyjatyvie. Raniej u aficyjnaj jakaści jon nie naviedvaŭ Biełaruś. Na sustrečach u Minsku płanuje abmierkavać prapanovy pa stabilizacyi vajenna-palityčnaha stanovišča ŭ rehijonie Bałtyjskaha mora i pytańnie budaŭnictva Biełaruskaj atamnaj elektrastancyi.
Paksas byŭ abrany prezidentam Litvy ŭ lutym 2003 hoda.
Ale ŭ krasaviku 2004-ha byŭ daterminova adchileny ad pasady za hrubyja parušeńni Kanstytucyi i prezidenckaj prysiahi. Paksasa abvinavačvali ŭ tym, što paviedamiŭ biznesmienu Juryju Barysavu ab prasłuchoŭvańni jaho telefonaŭ śpiecsłužbami. Barysaŭ raniej vydzieliŭ Paksasu 400 tysiač dalaraŭ na prezidenckuju kampaniju. Adchileńnie Paksasa mieła vialiki rezanans.
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta4
Kamientary