AAT «Minski hadzińnikavy zavod» budzie akazana dziaržaŭnaja padtrymka. Takoje rašeńnie zamacavana ŭkazam prezidenta № 24 ad 10 studzienia 2009 hoda, jaki apublikavany na Nacyjanalnym pravavym interniet‑partale.
Zhodna z dakumientam, budzie restrukturyzavanaja zapazyčanaść pradpryjemstva, jakaja ŭtvaryłasia na 1 lipienia 2008 hoda, šlacham pavieličeńnia jaho statutnaha fondu na sumu, što adpaviadaje zapazyčanaści. Va ŭłasnaść dziaržavy budzie pieradadziena 1.011.446.800 akcyj naminalnym koštam 30 rubloŭ i 111.385.185 akcyj takim ža naminalnym koštam — u kamunalnuju ŭłasnaść Minska.
Zapazyčanaść pradpryjemstva pa płaciažach u respublikanski biudžet skłała 30 młrd. 343 młn. 404 tys. rubloŭ, pa płaciažach u biudžet Minska — 3 młrd. 341 młn. 555 tys. 550 rubloŭ.
Saŭminu daručana zabiaśpiečyć u 2009 hodzie pahašeńnie roŭnymi dolami za košt srodkaŭ respublikanskaha biudžetu zapazyčanaści AAT «Minski hadzińnikavy zavod»: minskamu respublikanskamu unitarnamu pradpryjemstvu elektraenierhietyki «Minskenierha» za spažytyja ciepłavuju i elektryčnuju enierhiju — 5 młrd. 1 młn. 899 tys. 920 rubloŭ; kamunalnamu unitarnamu vytvorčamu pradpryjemstvu «Minskvodakanał» za vodazabieśpiačeńnie i vodaadviadzieńnie — 500 młn. 946 tys. 914 rubloŭ; AAT «Biełprambudbank» pa kredytnym dahavory — 3 młrd. 128 młn. 910 tys. 966 rubloŭ.
Jak paviedamlałasia raniej, 26 lipienia 2006 hoda ŭ sud pastupiła zajava padatkovaj inśpiekcyi Pieršamajskaha rajona stalicy ab pačatku pracedury bankructva pradpryjemstva; u žniŭni 2006 hoda haspadarčy sud Minska pryznačyŭ antykryzisnaha kiraŭnika minskaha hadzińnikavaha zavoda «Pramień». Ciapier prachodzić pracedura sanacyi.
Minski hadzińnikavy zavod «Pramień» stvorany ŭ 1953 hodzie. Zaraz tut pracujuć 1,2 tysiačy čałaviek. Mahutnaści pradpryjemstva raźličany na vytvorčaść 5 młn. adzinak pradukcyi ŭ hod.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary