Ź jakich panelaŭ budujuć novaje žytło ŭ Novaj Baravoj — vy dakładna ŭjaŭlajecie nie tak FOTY
U chutkim časie ŭ rajonie «Novaja Baravaja» zabudoŭščyk «A-100 Deviełapmient» uźviadzie kvartał «Paŭnočnaje źziańnie», u jakim vyrastuć damy-ajśbierhi. Ich pabudujuć sa zbornaha žalezabietonu.
Ajśbierhi, tamu što heta nie typovyja damy-skryni, a niezvyčajnyja architekturnyja rašeńni fasadaŭ, jakija i praŭda nahadvajuć ajśbierhi. Mahčymym ich budaŭnictva stała tolki ciapier, kali ŭ Biełaruś pryjšli jeŭrapiejskija technałohii vyrabu zbornych žalezabietonnych kanstrukcyj.
Dyrektar hrupy kampanii «A-100 Deviełapmient» Śviatłana Šeŭlik i hałoŭny inžynier pradpryjemstva MAPID Siarhiej Špileŭski, apiaredžvajučy pieršaje pytańnie, kažuć: «Nie, heta nie zvyčajnyja «panelki»».
Što my viedajem pra panelnaje žytło?
Što heta adnosna tanna, ale nie vielmi jakasna.
Što ŭ panelnych damach choładna i čuvać usio, što robiać susiedzi.
I jašče toje, što ŭsie hetyja damy padobnyja jak dźvie kropli vady. I možna lohka zbłytać, dzie ty: u Minsku, Kijevie ci Vilni.
Śviatłana Šeŭlik raskazvaje, što ŭsie hetyja mify źjavilisia ŭ saviecki čas, kali budavać treba było chutka, tanna i šmat.
«Ale časy źmianiajucca, siońnia panelnaje žyllo jazyk nie pavaročvajecca nazvać «panelkami», bo heta sučasnyja jakasnyja damy sa zbornaha žalezabietonu», — kaža Śviatłana.
Raskazać i pakazać, čym ža panelnyja damy staroha ŭzoru adroźnivajucca ad tych, jakija ŭzvodziać siońnia, uziaŭsia Siarhiej Špileŭski.
«Hałoŭnaje adroźnieńnie ŭ tym, što my bolš nie zvarvajem paneli pamiž saboj. Novaja biazzvarnaja technałohija dazvalaje bolš ščylna macavać paneli adnu da adnoj. Zamiest zvykłaj zvarki my vykarystoŭvajem piatlavyja złučeńni i śpiecyjalnyja bałty», — raskazvaje hałoŭny inžynier.
U 2013 hodzie na zavodzie MAPID u Šabanach adkryli novuju italjanskuju liniju pa vytvorčaści žalezabietonnych vyrabaŭ. Tak pačałasia novaja era: MAPID zadaŭ novyja trendy i standarty na ŭsim budaŭničym rynku krainy. Novaja, sučasnaja, amal na 100% aŭtamatyzavanaja linija dazvalaje vyrablać žalezabietonnyja kanstrukcyi praktyčna luboj kanfihuracyi, u zaležnaści ad prajektu. Paneli, jakija stvarajucca na novaj linii, bolš daŭhaviečnyja i źbirajucca našmat chutčej. Skončylisia typavyja damy, ciapier kožny moža być admietnym.
Siońnia pradpryjemstva MAPID całkam zahružana pad vyrab panelaŭ dla novych damoŭ u Novaj Baravoj.
Što ž heta za dziva-paneli?
Novyja paneli bolš nie ŭjaŭlajuć saboj kanstrukcyju «žalezabieton — uciaplalnik — žalezabieton». Ciapier jany adnasłojnyja. Spačatku dom źbirajecca, i tolki potym uciaplajecca. Naviešvajucca paneli, tynkujecca fasad. Takim čynam, švy i styki zusim niabačnyja.
Jość i jašče adna asablivaść: paneli pierakryćcia ciapier nie standartnyja na 3,5 mietra, a majuć daŭžyniu 6 mietraŭ. Heta značyć, što haspadary novych kvater zmohuć sami vyrašać, jakimi pavinny być mižpakajovyja pierakryćci.
«Kali raniej pakupnikoŭ cikaviła, kolki pakojaŭ u kvatery, ci jość asobnaja kuchnia, to ciapier usio heta adychodzić na druhi płan. Ciapier usio čaściej cikaviacca mienavita kvaterami-studyjami, dzie kuchnia znachodzicca razam z haścinaj. Tamu adpała patreba drabić kvateru na maleńkija pakoi-zakutki. Prynamsi, hetaje rašeńnie ciapier mohuć prymać sami haspadary», — raskazvaje Śviatłana Šeŭlik.
Vyšynia stoli taksama niestandartnaja. Dziakujučy novym panelam jana moža vahacca ad 2,7 mietra až da 7. Heta kali havorka pra dvuchuzroŭnievyja kvatery.
Jašče adna važnaja admietnaść novych zbornych kanstrukcyj u tym, što ŭ ich pavyšanaja huka- i ciepłaizalacyja.
«Pierad tym, jak zdać dom, my ŭsie ścieny praviarajem ciepłavizaram, kab być upeŭnienymi, što haspadaram ni ź jakich stykaŭ i švoŭ nie budzie dźmuć», — kaža Śviatłana Šeŭlik.
Siarhiej Špileŭski demanstruje hatovyja plity.
«Jany amal daskanałyja. Vam navat ničoha nie treba ź imi rabić, jany idealna roŭnyja. Uličvajučy, što ciapier vielmi modny styl łoft, možna prosta paviesić na bietonnuju ścianu karcinu — i ramont hatovy», — kaža hałoŭny inžynier.
Heta što datyčycca ŭnutranaha azdableńnia. A źniešniaha?
«Raniej panelnyja damy zabaraniali budavać na centralnych praśpiektach praz toje, što jany šeryja i niepryvabnyja. Siońnia sa zbornych žalezabietonnych kanstrukcyj budujuć navat piacizorkavyja hateli. Tak što za hetym budučynia», — padsumoŭvaje Śviatłana Šeŭlik.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary