Padčas pramoj linii 4 traŭnia staršynia Minharvykankama Anatol Sivak raspavioŭ pra rekanstrukcyju płoščy Pieramohi. Na hety prajekt nakirujuć pałovu ŭsich srodkaŭ, sabranych padčas respublikanskaha subotnika, adznačajuć «Minsk-Naviny».
«Inicyjatyva rekanstrujavać płošču Pieramohi da 75-hodździa vialikaj Pieramohi paŭstała paśla abśledavańnia abjekta. Asabista pahladzieŭšy na jaho stan, ubačyŭ raźbityja prystupki, uzdyblenuju plitku, plity, što paadvalvalisia na vychadach da Viečnaha ahniu. Unizie — vilhać, niaŭtulna. Choć heta toje miesca, dzie my prymajem delehacyi, dzie prachodziać uskładańni viankoŭ. Na terytoryi hetaha znakavaha kompleksu nieabchodna navieści paradak. u tym liku ŭnizie, u pierachodzie», — skazaŭ Sivak.
Pavodle jaho słoŭ, płanujecca «adsiekčy» prastoru ŭ padziemnym pierachodzie pad Viečnym ahniom, zrabić jaje bolš kamfortnaj i ŭstalavać na ścienach infarmacyjnyja paneli. Razhladajecca mahčymaść złučyć prypynki naziemnaha transpartu i ŭvachody ŭ mietro pa pryncypie suchich noh.
Što tyčycca padahrevu płoščy, anansavanaha raniej, to heta adzin z mahčymych varyjantaŭ padoŭžyć termin słužby hranitnaha pakryćcia płoščy. Kali tak vyrašać zrabić, to heta budzie elektrapadahreŭ. Ale jość i inšyja sposaby paźbiehnuć pramiarzańnia pakryćcia, naprykład, vykarystoŭvać u asnovie zamiest druzu i piasku kieramzit, jaki vystupaje jak izalatar i advodzić lišniuju vilhać.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary