3G-sietka velcom | A1 atrymała čaćviortuju častatu — heta značyć, što ŭsio budzie lotać chutčej
Bazavyja stancyi velcom | A1 atrymali dadatkovuju apornuju radyjočastatu ŭ dyjapazonie 2100 MHc. Heta dazvolić pravajdaru značna palepšyć prapusknuju zdolnaść svajoj 3G-sietki i pavialičyć jaje jomistaść bolš čym na 30%.
velcom | A1 staŭ pieršym biełaruskim pravajdaram, jaki pačaŭ pravodzić padobnuju madernizacyju svajoj sietki. Bolš za 650 bazavych stancyj Homiela, Mahilova, Viciebska, Babrujska, Navahrudka, Asipovičaŭ i Minska abstalavali čaćviortaj apornaj radyjočastatoj u dyjapazonie 2100 MHc.
Na dniach dadatkovaja radyjočastata źjavicca na bazavych stancyjach u rajonnych haradach Brestčyny (Pinsk, Łuniniec), Homielščyny (Rečycy, Žłobin, Rahačoŭ, Śvietłahorsk) i Minščyny (Žodzina, Barysaŭ, Słuck, Salihorsk, Maładziečna). Zavieršycca maštabnaja madernizacyja ŭklučeńniem čaćviortaj apornaj jašče na 600 bazavych stancyjach u Minsku i Minskim rajonie.
Zapusk dadatkovaj apornaj radyjočastaty dazvolić pavialičyć jomistaść 3G-sietki velcom | A1 bolš čym na 30%. Heta aznačaje, što pasłuhi vysakachutkasnaj pieradačy dadzienych stanuć jašče lepšymi, a abanienty velcom | A1 zmohuć jašče bolš kamfortna karystacca internetam i mabilnaj suviaźziu navat u miescach hienieracyi najbolšaha abjomu internet-trafiku.
«Madernizacyja dazvolić kampanii velcom | A1 harantavać nieabchodnuju jakaść i chutkaść pieradačy dadzienych pa ŭsioj krainie navat va ŭmovach padvyšanaj nahruzki na sietku. Nabližajucca II Jeŭrapiejskija hulni i čakany ŭ suviazi z hetaj padziejaj napłyŭ haściej, zaŭziataraŭ i turystaŭ stanie vydatnaj pravierkaj nadziejnaści našaj 3G-sietki i jaje novych mahčymaściaŭ», — adznačyŭ načalnik upraŭleńnia płanavańnia sietki velcom | A1 Siarhiej Baramykin.
3G-sietka velcom | A1 składajecca bolš čym z 3850 bazavych stancyj i zabiaśpiečvaje nadziejnuju suviaź bolš čym na 97% terytoryi krainy. Kampanija nadaje vialikuju ŭvahu jakaści suviazi. Dla hetaha pravodzicca častotnaje płanavańnie, pastajanny manitorynh jakaści sietki i svoječasovaja madernizacyja. Usie pracy vykonvajuć vysokakvalifikavanyja śpiecyjalisty velcom | A1, jakija prajšli stažyroŭki ŭ viadučych jeŭrapiejskich kampanijach.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary