Biełarusy viarnulisia ŭ elitu suśvietnaha chakieja. U tym liku dziakujučy chłopcam z «Pahoniaj» na švedrach
Zbornaja Biełarusi (hałoŭny trenier — Andrej Sidarenka) paśla karotkačasovaha pierabyvańnia ŭ pieršym dyvizijonie viarnułasia ŭ elitu suśvietnaha chakieja, dzie našy chakieisty znachodzilisia pastajanna z 2004 pa 2018 hady. Pry tym, što turnir u Nur-Sułtanie jašče nie skončany: u niadzielu projduć zaklučnyja hulni.
Pasadziejničali daterminovamu viartańniu biełarusaŭ litoŭcy — tyja samyja, chto hulaje na turniry ŭ pryhožych švedrach z Pahoniaj na hrudziach. Litoŭcy siońnia pieramahli Paŭdniovuju Kareju i vyklučyli ich z baraćby.
U dźviuch pazastałych hulniach — z Kazachstanam i Karejaj — biełarusam dastatkova było nabrać adzin bał. H.zn. možna było prajhrać u aviertajmie. Što i zdaryłasia siońnia.
Asnoŭny čas matča Biełaruś — Kazachstan skončyŭsia ź likam 2:2 (pryčym našy sastupali 0:2), biełarusy i kazachstancy — u elicie.
U aviertajmie našy sastupili 2:3, ale jahony vynik ni na što nie paŭpłyvaŭ.
Kazachstan, darečy, treniruje biełarus Andrej Skabiełka, eks-trenier našaj zbornaj.
Kazachstan — 11, Biełaruś — 10, Kareja — 6, Vienhryja, Słavienija, Litva — 3.
Zaŭtra Biełaruś hulaje z Karejaj. Hety matč ničoha nie vyrašaje.
***
U 2020 hodzie čempijanat śvietu projdzie ŭ Šviejcaryi. U 2021-m — u Minsku i Ryzie. H.zn. biełarusy ŭ 2020 hodzie nijakim čynam z elity nie zmohuć vybyć.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary