Rasijskaje Minenierha paviedamiła pra pastupleńnie čystaj nafty na vuzieł uliku biełaruskaha NPZ, piša RBK.
«U adpaviednaści z praduhledžanym hrafikam siońnia, 4 maja, nafta, što całkam adkazvaje pakazčykam, pastupiła na vuzieł uliku Mazyrskaha NPZ. Idzie padrychtoŭka da jaje pryjomu», — adspravazdačyłasia viedamstva.
U «Biełnaftachimie» paćvierdzili, što nafta pastupiła na liniejnuju vytvorča-dyśpietčarskuju stancyju «Mazyr».
«U 14:45 novaja partyja nafty razam z raździalalnaj pryładaj pastupiła na ŁVDS «Mazyr» AAT «Homieltransnafta Družba». A 15:00 pačaŭsia jaje pryjom u reziervuary. Piersanał akredytavanaj łabaratoryi vykanaŭ adbor probaŭ i paćvierdziŭ jaje adpaviednaść standartu», — paviedamili ŭ pres-słužbie.
Adhruzka nafty na sam Mazyrski NPZ pačniecca 5 maja. Da pierapracoŭki syraviny zavod prystupić u paniadziełak, 6 maja.
Adpaviednaja normam rasijskaja nafta pačała pastupać na terytoryju Biełarusi 2 maja. Jana ruchajecca pa naftapravodzie «Družba», vyciaśniajučy zabrudžanuju chłorarhaničnymi złučeńniami syravinu. U «Biełnaftachimie» paviedamlali, što zabrudžanaja nafta vyvodzicca ŭ reziervuary zachoŭvańnia.
Ciapier čytajuć
U Varšavu pryjechała sotnia biełaruskich palitviaźniaŭ16
Kamientary