Ad paniadziełka ŭ Minsku i inšych haradach pačnuć adklučać haračuju vadu, kab pravieryć ciepłavyja sietki da zimovaha aciaplalnaha siezona. U siarednim, u biełaruskaj stalicy vadu adklučajuć na dva tydni.
Akazałasia, što ŭ Vilni haračuju vadu adklučajuć na 1—4 dni.
Vilenčuki aburajucca i pytajucca, čamu mienavita ŭ hety čas spyniajuć padaču haračaj vady, kali na vulicy chałodnaje nadvorje. Kampanija Vilniaus šilumos tinklai (VŠT) adznačaje, što inšaha vyjścia niama, pakolki prosta ciapier treba rychtavacca da novaha aciaplalnaha siezona, kali nie chočaš, kab uzimku pačalisia prablemy.
Z redakcyjaj Delfi źviazałasia Justyna, jakaja žyvie ŭ novym kvartale na Antokali.
«Navošta adklučać tak rana, niaŭžo nielha pačakać da 9 hadziny, Kali ludzi ŭžo sychodziać z domu na pracu. Jašče bolš niepryjemna, kali viedaješ, što ŭ inšych rajonach vadu adklučajuć ŭsiaho na adzin dzień, a ŭ nas jaje nie budzie 4 dni. Zaraz treba ŭstavać raniej i hreć vadu na dvaich. Chałodnaj vadoj mycca nie atrymlivajecca dy i naohuł doma choładna, tamu kryŭdna, što vadu nie adklučajuć u ciopłaje nadvorje», — skazała Justyna.
Tadas, jaki žyvie ŭ starym domie ŭ rajonie Antokal, taksama zakłapočany tym, što haračaj vady nie było 4 dni. U jaho maleńkaje dzicia, jakoha ŭ chałodnaj vadzie nie vymyješ. «Infarmacyju ab adklučeńni ja ŭbačyŭ tolki ŭ subotu. Aburalna, kali na samaj spravie infarmujuć ŭsiaho za dva dni», - skazaŭ Tadas, jaki raspavioŭ, što niekatoryja susiedzi pa ranicach chodziać u duš u sportkłubie.
Ale nie ŭsim adklučeńnie vady dastaviła stolki niazručnaściaŭ. Pa słovach Ruty z Šeškinie, u ich domie vadu adklučyli ŭ niazručny čas, adnak asablivych niepryjemnaściaŭ heta nie dastaviła.
«My viarnulisia z praciahłaj pajezdki, a doma vyśvietliłasia, što vyklučana vada, choć abiacali adklučyć tolki apoŭnačy. My chutka vymylisia chałodnaj vadoj, było nie nadta pryjemna, ale što rabić. Na nastupny dzień vadu ŭžo ŭklučyli. Adzin dzień paciarpieć možna», — skazała Ruta.
Kamientary