Minski «Kieramin» prajhraŭ druhi matč supierfinału Kantynientalnaha chakiejnaha kubku, što 16—18 studzienia prachodzić u francuzskim Ruanie.
U subotu minčuki prajhrali haspadaram turniru – adnajmiennamu «Ruanu» ź likam 4:6, pry tym što biełarusy viali 4:2. Lik pa pieryjadach: 0:2, 4:0, 0:4. (!)
Nahadajem, što ŭčora «Kieramin» prajhraŭ słavackamu «Marcinu» – 1:5, i paśla siońniašniaj parazy straciŭ navat tearetyčnyja šancy na pieramohu ŭ turniry.
Siońnia prajšoŭ jašče adzin matč. «Marcin» pieramoh italjanski «Balcana» ź likam 7:3.
Takim čynam paśla dvuch turaŭ turnirnaje stanovišča nastupnaje:«Marcin» – 6 (roźnica šajbaŭ 12—4), «Balcana» – 3 (6—8), «Ruan» – 3 (7—7), «Kieramin» – 0 (5—11).
Zaŭtra biełarusy zhulajuć z «Balcana», a «Marcin» – z «Ruanam».