U adnym z damoŭ pa Partyzanskim praśpiekcie ŭ Minsku vyviesili ŭ aknie čyrvony ściah, a taksama partret savieckaha pravadyra Iosifa Stalina. «NN» daviedałasia, što za hetym učynkam staić 45-hadovy Andrej Chamianok.
Andrej Chamianok. Fota vk.com.
My patelefanavali spadaru Chamianku, kab jon patłumačyŭ, što staić za jahonym fłeš-mobam.
«Naša Niva»: Čamu ŭ vašym aknie źjaviŭsia partret Stalina?
Andrej Chamianok: My ŭsie vyjšli z SSSR. Moj adzin dzied abaraniaŭ Leninhrad, jon rabiŭ heta ŭ imia rasijskaha, oj, prabačcie, savieckaha naroda, jaki pieramoh u vajnie. Vajavaŭ jon ź imiem Stalina na vusnach. Druhi moj dzied byŭ paranieny da kanca žyćcia. Paranieny, abaraniajučy naš Krymski paŭvostraŭ. Jakija mohuć być pytańni?
«NN»: Ale navat u SSSR, ź jakoha vy rodam, byŭ XX źjezd KPSS, na jakim asudžaŭsia kult asoby Stalina.
ACH: Ja rašeńni hetaha źjezda nie prymaju. Moj dzied usio žyćcio vaziŭ z saboj miedal na prybornaj paneli svajho aŭtamabila z partretam Stalina. Jakija pytańni? Skončycca maj — ja zdymu partret i ściah. Heta maja hramadzianskaja pazicyja. Zdajecca, Alaksandr Ryhoravič naš, usienarodnaabrany prezident, abaznačyŭ svaju pazicyju, što my niedaaceńvajem rolu hetaj vialikaj asoby ŭ historyi. Tolki apošnim časam jaho stali krychu pryŭzdymać.
«NN»: Vy čuli niešta pra Kurapaty?
ACH: Pra kaho? Pra Karpaty? Heta ŭsio jašče nie dakładna i nie dakazana. Heta prosta punkt hledžańnia, razumiejecie. Vaš punkt hledžańnia.
«NN»: U kancy 90-ch aficyjnaja kamisija zaśviedčyła, što tam rasstrelvali ŭ stalinskija časy.
ACH: Kaniec 90-ch? Chto tady byŭ pry ŭładzie? Barys Mikałajevič Jelcyn byŭ. Dyk Jelcyn pad dyktoŭku amierykanskaha pasolstva napisaŭ Kanstytucyju Rasii. I što paśla hetaha zdaryłasia? Krainu, bł…, razrabavali, aliharcham usio razdali. Usio ciapier znachodzicca ŭ afšorach. Narod žabracki. Pucin usio kaža: davajcie padnaciśniem, padnaciśniem, piensijny ŭzrost pavialičyli. Pry Stalinie, prabačcie, piensijny ŭzrost byŭ 60 hadoŭ!
«NN»: Pucina vy padtrymlivajecie?
ACH: Nie, ja jaho nie razumieju.
«NN»: Represii vas nie spyniajuć u šanavańni Stalina?
Toj samy dom sa Stalinym. Fota Radyjo «Svaboda».
ACH: Razumiejecie, represii… Byŭ taki čas, što les rubiać i ščepki lacieli. Maja babula paciarpieła ad represij, ale jana nie adčuvała nijakaha niehatyvu da tahačasnaha pravadyra. Usio, što my siońnia majem: usie zavody, pramysłovyja abjekty, — jany pabudavanyja ŭ časy Stalina. Tady my zrabili najmacniejšy ryvok u ekanomicy, palitycy, kultury. Ciapier nas zahaniajuć na taki ŭzrovień, što my nie ŭzdymiemsia nikoli. Ale Rasiju zaŭsiody niešta ratavała…
«NN»: Stop, my ž nie Rasija.
ACH: Nu jakaja my, bł…, nie Rasija? Vielikarosija, Małarosija, Biełarusija. Jakaja my nie Rasija?
«NN»: Pahladzicie palityčnuju kartu śvietu, kab pierakanacca.
ACH: My adziny ruski narod: biełarusy, ruskija i ŭkraincy. Roznyja pakoi ŭ adnoj kvatery.
