Kiraŭnik dziaržavy žorstka raskrytykavaŭ bujny rynak u Minsku.
Adbyłosia heta ŭ piatnicu, kali Alaksandr Łukašenka abjechaŭ MKAD u jakaści pasažyra aŭtobusa, zaŭvažyła Salidarnaść
Kali dajšło da krytyki rynku, telekanał ANT paviedamiŭ u siužecie: «A voś za pracu pa naviadzieńni paradku ŭzialisia pakul nie ŭsio: my śviadoma nie nazaviem rynak, pra jaki vykazaŭsia prezident, kab nie rassłablalisia ŭsie ŭładalniki handlovych płoščaŭ».
Adnak, miarkujučy pa kadrach telekanała, havorka išła pra rynak «Ždanovičy».
Źviartajučysia, napeŭna, da kiraŭnika Minska Anatola Sivaka, kiraŭnik dziaržavy skazaŭ:
— Nu ty pahladzi na hety rynak. Nu što heta takoje?! Nu ty pahladzi, jaki bardak tut. Nu čyhunka, treba padumać što tut zrabić. Ale heta ž horš, čym u tym kałhasie, dzie my byli.
Imavierna, pad «tym samym kałhasam» kiraŭnik dziaržavy mieŭ na ŭvazie fiermu «Śližy» ŭ Škłoŭskim rajonie, jakuju ŭ sakaviku pry asabistym naviedvańni jon paraŭnaŭ z Aśviencimam.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary