Vyśvietliłasia, što ŭ zarehistravanych u Litvie i Polščy kampanijach, jakija naležać hramadzianinu Ukrainy, nielehalna pracavali rabočyja ź Biełarusi i Ukrainy, piša Delfi.
Adna z kampanij składała damovy z rabotnikami, kab addać ich padradčykam, adnak ab pracaŭładkavańni nie paviedamlała, tamu nie płaciła ni ahulnyja padatki, ni padatak na achovu zdaroŭja. Jak padazrajuć, hetych rabotnikaŭ nie pracaŭładkavali i ŭ Polščy — im davali padpisać dakumienty na polskaj movie.
Niby pracaŭładkavanych u Polščy rabotnikaŭ adpraŭlali ŭ kamandziroŭku ŭ Litvu, vydavali śpiecyjalny kamandzirovačny list jak dokaz, što jany pracujuć u polskaj kampanii. Sami rabotniki byli ŭpeŭnienyja, što pracujuć aficyjna. Zarobak rabočym płacili najaŭnymi, časta jany stavili svaje podpisy ŭ nieaficyjnych dakumientach ab vypłacie zarobkaŭ. Niahledziačy na toje, što abiedźvie hetyja kampanii kuplali rabočuju vopratku, srodki dla biaśpieki (šlemy, palčatki i inš.). Hetyja vydatki jany vyličvali z zarobkaŭ rabotnikaŭ. Zarehistravanaja ŭ Litvie kampanija ŭdzielničała ŭ šmatlikich konkursach, a, atrymaŭšy pieramohu ŭ ich, padpisvała pahadnieńni z subpadradčykam. Adzin ź jaje abjektaŭ — hara Hiedymina.
Paśla taho jak na rachunak kampanii pastupali hrošy, dyrektar abnajaŭlivaŭ ich ci pieravodziŭ na asabisty rachunak jak kredyt, a potym zdymaŭ hrošy ŭ bankamatach. Usiaho było źniata 200 000 jeŭra. Kala 90 000 jeŭra pieraviali na rachunak zarehistravanaj u Polščy kampanii. hetyja hrošy potym taksama źniali.
Kamientary