41-hadovaja minčanka padpracoŭvała rasklejščycaj abjavaŭ. Incydent zdaryŭsia na vuł. Kłumava. La padjezda doma №5 da jaje padyšoŭ mužčyna ź dziciem i pačaŭ vykazvać niezadavolenaść. Rasklejščyca vyrašyła syści, kab paźbiehnuć kanfliktu, paviedamlajuć Minsk-naviny
— Ja ž ničoha błahoha nie rabiła, usiaho tolki raźmiaščała abjavy na śpiecyjalnaj došcy, — raspaviała paciarpiełaja. — Mužčyna pavodziŭ siabie ahresiŭna: bačačy, što ja nie reahuju, staŭ chapać mianie za vopratku, za ruki. Jamu navat zrabiła zaŭvahu žančyna, jakaja prachodziła mima. Potym, advioŭšy dzicia dadomu, mužčyna dahnaŭ mianie la tarca doma i dvuma ŭdarami pa haloncy i jahadzicy źbiŭ z noh, a paśla udaryŭ pa hałavie rukoj. Ja vielmi spałochałasia, bo mužčyna byŭ našmat vyšejšy za mianie, a jaho pavodziny było nie vytłumačyć.
Rasklejščyca zapłakała i stała hučna kryčać. Mabyć, heta spałochała chulihana, i toj schavaŭsia ŭ svoj padjezd. Da žančyny, što lažała na prajeznaj častcy, padyšoŭ minak, padaŭ zhublenyja pry padzieńni akulary i staŭ raspytvać pra incydent, a paśla paraiŭ vyklikać milicyju. Paciarpiełaja tak i zrabiła.
U dačynieńni da mužčyny raspačata kryminalnaja sprava pa č. 1 art. 339 (chulihanstva). U jaho vyšejšaja adukacyja, jon zajmaje kirujučuju pasadu ŭ adnoj z ustanoŭ kultury, žanaty. Raniej prablem z zakonam nie mieŭ.
U svaim zaklučeńni sudmiedekśpiert pakazaŭ, što ŭ paciarpiełaj zakrytaja čerapna-mazhavaja traŭma lohkaj stupieni, a na nahach vyjaŭleny hiematomy.
Za zroblenaje abvinavačanamu moža pahražać pakarańnie až da troch hadoŭ źniavoleńnia.
Kamientary