Handlova-zabaŭlalny centr «E-Sici», raźmieščany na vulicy Dzianisaŭskaja ŭ Minsku, pierajšoŭ va ŭłasnaść kampanii «Tytuń-Inviest», jakuju ŭznačalvaje Pavieł Tapuzidzis i jakaja vałodaje sietkaj hipiermarkietaŭ «Karona». Pra heta paviedamlaje Marketing.by, sa spasyłkaj na svaje krynicy.
U hetym handlovym centry, płoščaj kala 50 tys. kv.m, «akramia food-apieratara «Jeŭraopt», raźmieščana krama techniki i elektroniki «TechnaPlus» (hetaja sietka taksama naležyć byłomu ŭładalniku budynka — kampani «Jeŭrahandal»).
Paviedamlajecca, što na praciahu leta ŭ dadzienym abjekcie adkryjecca hipiermarkiet «Karona», a zamiest «TechnaPlus» pačnie pracavać čarhovaja krama sietki «5 elemient».
Baki nie kamientujuć padrabiaznaści ŭhody, adnak pavodle infarmacyi ad krynic belretail.by, suma kupli skłała kala $43 młn. «Jeŭrahandal» taksama maje ciažkaści z pakupnikami na svaje abjekty. Asnoŭnaj pryčynaj nazyvajecca zavyšanaja cana: pry sabiekošcie budaŭnictva takoha kłasa abjektaŭ u $1000 za kv.m, kampanija choča atrymać da $2000 za kv.m.
Nahadajem, što ŭ kancy krasavika «Jeŭrahandal» vystaviŭ na prodaž 23 bujnyja abjekty (hipiermarkiety i handlovyja centry, jakija znachodziacca va ŭłasnaści) z metaj aptymizacyi svajho kredytnaha partfiela. Ekśpierty kazali pra toje, što rytejler pazbaŭlajecca ad stratnaj ułasnaści z metaj pieraadoleńnia finansavaha razryvu.
Kamientary