Madrydski «Reał» paśla dvuchhadovaha pierapynku viarnuŭsia na pieršaje miesca ŭ rejtynhu najbahaciejšych futbolnych kłubaŭ śvietu, vynikaje z rejtynhu Forbes. Košt ispanskaj kamandy za hod vyras na 4%, da $ 4,24 młrd.
Składalniki rejtynhu tłumačać heta prybytkam dziakujučy pieramozie ŭ minułahodniaj Lizie čempijonaŭ, a taksama prodažam pravy na vykarystańnie svajho brenda na čatyry hady kampanii Providence Equity za $ 224 młn.
U siezonie 2018/19 «Reał» nie vyjhraŭ nivodnaha trafieja, zaniaŭšy ŭ čempijanacie Ispanii tolki treciaje miesca.
«Barsiełona» ŭ rejtynhu Forbes apynułasia na druhim miescy z ahulnym koštam u $ 4,02 młrd. Katałonskaja kamanda ŭ minułym hodzie atrymała novaha tytulnaha sponsara, jakim stała japonskaja internet-kampanija Rakuten.
«Mančester Junajted», akcyi jakoha ŭ minułym hodzie dasiahali pika koštu, u rejtynhu apynuŭsia tolki na trecim miescy.
Kamientary