Upieršyniu ŭ historyi biełaruskaha vojska znakam «Dobleść i majsterstva» ŭznaharodzili dziaŭčynu
Na palihonie Łaśvida zaviaršylisia vyprabavańni na prava ŭznaharodžańnia vajskoŭcaŭ nahrudnym znakam «Dobleść i majsterstva». Upieršyniu ŭ historyi Uzbrojenych Sił Biełarusi ŭznaharodu atrymała dziaŭčyna-vajennasłužačaja, paviedamlaje pres-słužba Ministerstva abarony.
Natalla Aniščuk — staršy miechanik-telehrafist hvardyi, małodšy siaržant kantraktnaj słužby z 38-j asobnaj hvardziejskaj desantna-šturmavoj bryhady. Dziaŭčyna na praciahu čatyroch dzion naroŭni z mužčynami prachodziła ŭsie vyprabavańni i ŭvajšła ŭ lik 19 udzielnikaŭ, jakija paśpiachova pieraadoleli šmatlikija pieraškody.
Praktyčna na ŭsich siami etapach Natalla Aniščuk atrymała adznaki «vydatna». Ciapier jana pa pravu budzie nasić na kicieli znak «Dobleść i majsterstva» — simvał mužnaści i advahi, honaru i pavahi tavaryšaŭ pa słužbie. U režymie non-stop udzielniki vyprabavańniaŭ zdavali kala 40 testaŭ i narmatyvaŭ pa pradmietach bajavoj i śpiecyjalnaj padrychtoŭki. U raźlik taksama brali vyniki ahniavoj, tapahrafičnaj, pavietrana-desantnaj, vajenna-miedycynskaj, radyjo- i inžyniernaj padrychtoŭki, RCHB abarony. Pravodziłasia desantavańnie ź viertalota, ruch pa azimutach pa pierasiečanaj miascovaści i 30-kiłamietrovy marš-kidok, pošuk abjekta.
Finalny dzień vyprabavańniaŭ pačaŭsia ź inžyniernaj padrychtoŭki. Udzielnikam treba było padarvać kanstrukcyju, vyznačanuju pa žerabiu. Z hetym vyprabavańniem Natalla Aniščuk taksama spraviłasia na vydatna.
Paśla stralby ź pistaleta, hranatamiota, snajpierskaj vintoŭki i kulamioty było arhanizavana zaklučnaje vyprabavańnie. Nieabchodna było pieraadoleć składanuju dystancyju z pałasoj pieraškod, vodnaj pieraškodaj i sparynhami pa rukapašnym bai. Napiaredadni praktyčnaha etapu Natalla Aniščuk padzialiłasia emocyjami i raspaviała pra matyvacyju.
«Kali mnie prapanavali prajści vyprabavańni na znak «Dobleść i majsterstva», ja vyrašyła, što heta nie dla dziaŭčat. Ciažka i składana. Ale potym, kali było pryniata rašeńnie ŭdzielničać, pačałasia doŭhaja padrychtoŭka. Stała cikava: zmahu ci nie? Zachaciełasia dakazać, što my nie horšyja za mužčyn-vajskoŭcaŭ. Na ščaście, usio atrymałasia», — adznačyła jana.
-
«Raz — i zachodziš čystym». Minčuki pakazali samarobnuju pryładu, jakaja dapamahaje pazbavicca ad brudu pierad uvachodam u padjezd
-
Biełaruskaja błohierka pakazała, jaki žach moža adbyvacca z vusnami, kali chočaš ich pavialičyć — a potym pamienšyć
-
U minskim muziei pravodziać ramantyčnyja spatkańni. Na ich sapraŭdny ažyjataž — da śniežnia niama miescaŭ
Kamientary