Hałoŭny architektar stalicy Alaksiej Martynaŭ pakinuŭ svaju pasadu, prabyŭšy na joj kala miesiaca. Pra heta raspaviali ŭ Minharvykankamie, piša Tut.by.
Byłoha namieśnika dyrektara «Minskrekłama» Alaksieja Martynava pryznačyli hałoŭnym architektaram stalicy ŭ pačatku maja. Ale ŭčora, 31 maja, u jaho byŭ apošni pracoŭny dzień, raspaviali ŭ Minharvykankamie.
Pavodle infarmacyi TUT.BY, jon pakinuŭ pasadu pa ŭzhadnieńni bakoŭ. Inicyjatyva spynić pracoŭnyja adnosiny zychodziła nie ad najmalnika.
Adznačym, što da hetaha Martynaŭ užo pracavaŭ u roznych pasadach u kamitecie architektury i horadabudaŭnictva Minharvykankama, dzie daros da pasady pieršaha namieśnika. Ale ŭ 2011 hodzie jaho adpravili ŭ adstaŭku razam z tahačasnym hałoŭnym architektaram stalicy Viktaram Nikicinym.
Papiaredniaha ž hałoŭnaha architektara Minska Paŭła Łučynoviča 16 sakavika zatrymali pa padazreńni ŭ atrymańni chabaru.
