Pavodle nieaficyjnaj infarmacyi, zatrymany hienieralny dyrektar AAT «Zabudova» Michaił Vasilenka. Matyŭ pakul nieviadomy.
U adździele infarmacyi i suviaziej z hramadskaściu Hienieralnaj prakuratury źviestki ab zatrymańni nie paćviardžajuć, ale i nie abviarhajuć.
U śniežni pres‑słužba Vyšejšaha haspadarčaha suda Biełarusi paviedamiła, što ŭ haspadarčym sudzie Minskaj vobłaści raspačata sudavodstva pa spravie ab niepłaciežazdolnaści ŭ dačynieńni da budaŭničaha unitarnaha pradpryjemstva «Mižhaspadarčaja pierasoŭnaja miechanizavanaja kałona № 197» AAT «Zabudova‑bud» (Maładziečna).
* * *
Budaŭničaje AAT «Zabudova» raźmieščana ŭ pasiołku Čyść Maładziečanskaha rajona Minskaj vobłaści. Na bazie vytvorčaha kompleksu AAT «Zabudova» ažyćciaŭlaje dziejnaść domabudaŭničy kambinat, u skład jakoha ŭvachodziać piać pradpryjemstvaŭ — zavod budaŭničych kanstrukcyj, drevaapracoŭčy zavod, zavody dachoŭki, suchich sumiesiej i budmateryjałaŭ.
