Vieniesueła zajaviła, što ŭviadzie banknoty balivara bolšaha naminała, pakolki hipierinflacyja ŭskładniaje samyja zvyčajnyja pakupki ŭ spustošanaj kryzisam krainie, piša Bloomberg.
U sieradu centralny bank krainy apublikavaŭ na svaim veb-sajcie zajavu, u jakoj havorycca, što jon pačnie raspaŭsiudžvać novyja banknoty naminałam 10 000, za 20 000 i 50 000 balivaraŭ, kab zrabić płaciažy «bolš efiektyŭnymi» i «palahčać dziełavyja apieracyi».
Šaściznačnaja inflacyja zrabiła papiarovyja hrošy bieskarysnymi ŭ Vieniesuele. Spažyŭcy, jak praviła, płaciać płastykavymi abo elektronnymi pieravodami, niahledziačy na nienadziejnyja bankaŭskija sistemy, i ŭsio čaściej raźličvajuć na dalary ZŠA i inšyja ćviordyja valuty. Tym nie mienš, mnohija pasłuhi, takija jak hramadski transpart i rehulavanyja tavary, takija jak bienzin, patrabujuć apłaty hatoŭkaj.
Raniej samaja vysokaja banknota mieła naminał 500 balivaraŭ.
Hadavy ŭzrovień inflacyi ŭ Vieniesuele składaje 99900%, što na 224900% mienš, čym u kancy minułaha hoda. Pavodle apošnich uradavych danych, miesiačny ŭzrovień inflacyi ŭ krasaviku skłaŭ 34% u paraŭnańni sa 197% u studzieni.
Apošniaja denaminacyja adbyłasia ŭ Vieniesuele ŭ 2018 hodzie — z balivara tady prybrali try nuli.
