Pravasłaŭnyja vierniki siońnia śviatkujuć Dzień Śviatoj Trojcy.
Na piacidziesiaty dzień paśla Uvaskresieńnia Chrystovaha ŭsie apostały razam z Maci Božaj i inšymi vučniami Chrystovymi znachodzilisia ŭ adnoj śviatlicy ŭ Jerusalimie. U hety dzień Boh Ajciec pasłaŭ na ziamlu Śviatoha Ducha, jaki, źjaviŭšysia apostałam, zrabiŭ tak, što jany stali razumieć movy ŭsich narodaŭ i havaryć na roznych movach. Tamu słova Chrysta, syna Božaha, Jevanhielle, jakoje prapaviedavali apostały, było zrazumiełaje ludziam, i heta abjadnoŭvała viernikaŭ.
Spasłańnie Śviatoha Ducha na apostałaŭ adznačajecca Pravasłaŭnaj carkvoj jak adzin z najvialikšych dvanadziesiatych pierachodziačych śviataŭ. Tradycyjnyja kolery ŭbrańnia śviataroŭ u dzień Śviatoj Trojcy, jak i ŭ inšyja vialikija śviaty, biełyja.
Z daŭnich časoŭ na Trojcu pryniata ŭpryhožvać chramy i chaty śviežymi kvietkami, travami, halinkami dreŭ i prynosić u carkvu na aśviačeńnie bukiety z travy i kvietak.
