Zirnicie, dzie Abama adpačyvaje ŭ Francyi. Na vile koštam 55 tysiač jeŭra za tydzień
Pravans, Avińjon, horad, dzie niekali była papskaja rezidencyja. Viła Le Mas des Poiriers na vostravie siarod Rony. U pierakładzie z francuzskaj heta aznačaje «Siadziba pad ihrušami». U budynku siem spalniaŭ, na dvary — cudoŭny sad, basiejn, tenisny kort. Jość aranžareja, pracujuć dva šef-kuchary. Interjery ŭ pravanskim styli: jarkija, kvietkavyja, ź vializnaj kolkaściu miłych drabnic.
Na sajcie siadziby havorycca, što zareziervavać na 2019 hod viłu možna za 55 tysiač jeŭra na tydzień, a na 2020 hod — za 60 tysiač jeŭra.
Možna mierkavać, što były prezident ZŠA zrabiŭ taki padarunak svajoj małodšaj dačce Sašy, jakoj spoŭniłasia 18 i jakaja tolki što atrymała školny atestat.
57-hadovy Barak Abama byŭ prezidentam ZŠA dva terminy, z 2009 da 2017 hoda. Jaho žoncy Mišel Abamie 55 hadoŭ, a starejšaj dačce, jaje zvać Malija, 20. Mišel Abama papularnaja ŭ ZŠA. Mahčyma, jana zdatnaja zrabić palityčnuju karjeru. Kali joj schočacca, viadoma, brać na siabie taki ciažar.
A voś tak vyhladaje siadziba, na jakoj jany buduć adpačyvać. Prapanujem vašaj uvazie niekalki fotaŭ ź jaje sajta.
Kamientary