Fota mvd.gov.by
U achovie na II Jeŭrapiejskich hulniach buduć zadziejničany kala 100 słužbovych sabak. Pra heta ŭ intervju telekanału ANT paviedamiŭ hałoŭny śpiecyjalist pa kinałahičnaj słužbie hałoŭnaha ŭpraŭleńnia kamandujučaha ŭnutranymi vojskami MUS Biełarusi Alaksandr Bakun.
«Na zabieśpiačeńnie hramadskaha paradku na II Jeŭrapiejskich hulniach budzie vykarystana kala 100 słužbovych sabak. Pad achovaj abjekty znachodziacca kruhłasutačna, słužbu niasuć pa 12 hadzin. Trochi ŭskładniajecca zadača ŭmovami nadvorja, ale ŭ nas jość reziervovyja sabaki i śpiecyjalisty vieterynarnaj słužby», — skazaŭ Alaksandr Bakun.
Kali sabaka padaść sihnał ab najaŭnaści vybuchovaniebiaśpiečnych pradmietaŭ, na miesca prybuduć sapiory. Pracazdolnaść žyvioł pastajanna praviarajecca. Kali sabaka stamiŭsia ci vymatany śpiakotaj, jaho tut ža zamieniać.
