Padčas II Jeŭrapiejskich hulniaŭ u fan-zonie «Pałac sportu» projduć Dni kultury i tradycyj krain-udzielnic. Pra heta paviedamili BIEŁTA ŭ fondzie «Dyrekcyja II Jeŭrapiejskich hulniaŭ 2019 hoda».
Zapłanavany vystupleńni artystaŭ i narodnych kalektyvaŭ. Na placoŭcy fan-zony prademanstrujuć nacyjanalnyja kuchni, ramiostvy, teatralnyja kalektyvy i spartyŭnyja dasiahnieńni udzielnikaŭ hulniaŭ.
Na ŭračystym adkryćci fan-zony, 19 červienia adbudziecca kancert Prezidenckaha arkiestra Biełarusi pad kiraŭnictvam Viktara Babarykina z udziełam Rusłana Alachno, Hieorhija Kałduna, Iryny Darafiejevaj, Ivana Vabiščeviča, Ksienii Žuk, Alony Łanskoj, Alaksieja Chlastova i Taryeła Majsuradze.
20 červienia — Dzień kultury i tradycyj Azierbajdžana, 21 červienia — Izraila. Na Dzień kultury i tradycyj Vialikabrytanii 22 červienia zapłanavana vystupleńnie vałynščykaŭ Druhoha Karaleŭskaha Irłandskaha Pałka.
The Royal Irish Regiment Pipers / YouTube
23 červienia — dzień kultury i tradycyj Hruzii, 24 červienia — Italii, 25 červienia — Vienhryi, 26 červienia — Ukrainy.
U hety ž dzień, 26 červienia, zapłanavany kancert z udziełam Nacyjanalnaha akademičnaha narodnaha arkiestra Biełarusi imia. I. Žynoviča, ansambla «Charoški», Alaksandra Saładuchi.
27 červienia — Dzień kultury i tradycyj Turcyi, 28 červienia — Łatvii, 29 červienia — Rasii.
U Dzień kultury i tradycyj Biełarusi, 30 červienia, vystupiać hurty «Čysty hołas», «Jahorava hara», «Pałac», Anatol Jarmolenka i ansambl «Siabry», DJ Magic Sound, DJ Gleb Glebov, DJ Shane, a taksama adbudziecca tranślacyja cyrymonii aficyjnaha zakryćcia II Jeŭrapiejskich hulniaŭ.
Fan-zona «Pałac sportu» budzie dziejničać z 19 pa 30 červienia z 10.00 da 24.00, a ŭ dni adkryćcia i zakryćcia hulniaŭ da 4-j ranicy.
Padrabiazny raskład kulturnaj prahramy ŭ fan-zonach možna znajści tut.
II Jeŭrapiejskija hulni projduć u Minsku z 21 pa 30 červienia. U spabornictvach voźmuć udzieł bolš za 4 tys. spartoŭcaŭ z 50 krain, jany buduć spaborničać u 15 vidach sportu.
