Fota «Źviazdy».
Ministr achovy zdaroŭja Uładzimir Karanik ŭ prahramie «Hałoŭny efir» na telekanale «Biełaruś 1» raskazaŭ, jakija miery prymie dla likvidacyi čerhaŭ u paliklinikach i pavyšeńnia dastupnaści kansultatyŭnaj dapamohi, paviedamlaje BIEŁTA.
Čytajcie taksama: Piać faktaŭ pra novaha ministra achovy zdaroŭja Uładzimira Karanika
Adkazvajučy na pytańnie pra miery pa likvidacyi čerhaŭ u pieršasnym źvianie, jon adznačyŭ, što ciapier abmiarkoŭvajecca pytańnie, jakim čynam vybudavać łahistyku ruchu pacyjentaŭ. «Naprykład, tych, chto z chraničnaj patałohijaj ŭvieś čas chodzić pa recepty, kantrolnyja analizy, nakiroŭvać da daktaroŭ ahulnaj praktyki, stvaryć śpiecyjalnyja strukturnyja padraździaleńni, dzie daktary buduć maksimalna viedać svaich pacyjentaŭ i ich patreby, maksimalna vyzvalić učastkovych terapieŭtaŭ, kab jany mahli zajmacca svaimi ŭčastkami i nahladam za pacyjentami», — skazaŭ ministr.
Pa słovach Uładzimira Karanika, abmiarkoŭvajecca taksama i pytańnie kansultatyŭnaj dapamohi, bo pastupaje šmat paviedamleńniaŭ pra toje, što niemahčyma trapić na kansultacyju da ŁORa, nieŭrołaha.
«U Minsku rekanstrujujucca pryjomnyja pakoi šmatprofilnych balnic, kab jany akazvali kansultacyjnuju dapamohu. Tam jość adukavanyja śpiecyjalisty, u ich za śpinaj moc šmatprofilnaj kliniki i jany mohuć akazać kansultacyju bolš vysokaha ŭzroŭniu i dapamahčy pieršasnamu źvianu», — dadaŭ ministr.
«Praktyčna 14 respublikanskich navukova-praktyčnych centraŭ atrymali licenziju na adukacyjnuju dziejnaść. Heta tyja centry, jakija pracujuć z samymi sučasnymi technałohijami i dajuć mahčymaść ludziam pryjechać i prajści navučańnie na pracoŭnym miescy. Adna ź inavacyj, jakaja ciapier abmiarkoŭvajecca dla ŭniasieńnia źmianieńniaŭ u Kodeks ab adukacyi, — heta navučańnie na pracoŭnym miescy na bazie RNPC budzie pakryvacca za košt biudžetu», — raskazaŭ ministr.
Zakranuta taksama i tema cen na leki.
Uładzimir Karanik paviedamiŭ, što ciapier razhladajecca mahčymaść stvaryć anłajn-servis, kudy ludzi zmohuć unosić źviestki pra preparaty, jakija jany kupili za miažoj značna tańniej, čym u našaj krainie. Infarmacyja budzie praanalizavana, adpaviedna, praviedziena praca z pastaŭščykami dla pradstaŭleńnia ŭsich dakumientaŭ, jakija abhruntoŭvajuć canu. «Bo nielha na takija žyćciova važnyja pazicyi, jak leki, brać canu sa stoli», — padkreśliŭ kiraŭnik ministr achovy zdaroŭja.
U halinie pradoŭžycca rabota pa impartazamiaščeńniu. Budzie praanalizavany rynak: vyznačany preparaty, jakija najbolš zapatrabavanyja, i tyja, jakija spatrebiacca ŭ bližejšyja hady, kab svoječasova paśpieć razharnuć vytvorčaść i nasycić rynak nieabchodnymi lekami.
«Možna hetuju temu zamoŭčvać, ale jość peŭny pracent niedavieru nasielnictva da niekatoraj pradukcyi ajčynnaj farmhaliny.
Tamu tut, ja dumaju, my bolš aktyŭna budziem udzielničać u postrehistracyjnym kantroli jakaści, mienavita ŭ acency biaśpieki, i publikavać hetyja źviestki ŭ adkrytym dostupie», — reziumavaŭ Uładzimir Karanik.
