U centry Hrodna dźvie niećviarozyja dziaŭčyny vyrašyli papłavać pa Niomanie na matracy. U niejki momant jon łopnuŭ. Płaŭsrodak razam z adpačyvalnikami pryhnała da astraŭka pasiaredzinie raki, adkul ich vyratavali supracoŭniki Asvoda, paviedamlaje Tut.by.
Fota: Kaciaryna Hardziejeva, Tut.by.
Usio adbyłosia prykładna ŭ 19.30 15 červienia. Matrac ź dziaŭčatami zaŭvažyli minaki i paviedamili ŭ milicyju, adtul infarmacyju nakiravali ratavalnikam.
— Supracoŭniki vyratavalnaj stancyi Łasosna padyšli na łodcy da vodmieli pasiarod raki i dastavili dźviuch žančyn na bierah, — raspaviali ŭ Hrodzienskaj abłasnoj arhanizacyi Asvod.
Ratavalniki kažuć, što dziaŭčatam pašancavała — ich svoječasova ŭbačyli minaki, a vodmiel pasiaredzinie raki ŭtvaryłasia z-za taho, što było mała daždžoŭ, dy i płyń tut davoli mocnaja.
Płavać dziaŭčaty nie ŭmieli.
