Lidčuki pratestujuć na prystupkach Lidskaha rajvykankama suprać ekałahičnaj katastrofy na rekach Dzitva, Lidziejka i Nioman. Užo bolš za tydzień bieśpierapynna praciahvajecca skid niečystotaŭ ź lidskich paloŭ filtracyi ŭ reki Dzitva i Lidziejka, piša «Radyjo Racyja».
Sotni ton atručanaj vady źlivajucca praz kalektary ŭ hetyja rečki, a paśla ŭ Nioman, z-za čaho hinie ŭsia fłora i faŭna. Žychary Lidčyny pačali bić tryvohu jašče tydzień tamu, kali pa race pajšła brudnaja vada, smurod i niežyvaja ryba. Uvieś čas źviartajucca ŭ adpaviednyja słužby, ale ekałahičnaja katastrofa praciahvajecca i pa siońniašni dzień. Niezadavolenyja žychary Lidy vyjšli z akcyjaj pratestu da budynka rajvykankama.
U svaju čarhu lidskija kamunalščyki i sanepidemsłužby tłumačać pryčynu rezkaha paharšeńnia stanu jakaści vady ŭ race Dzitva dy moru ryby ŭ joj haračym nadvorjem.
