U adkaz na krytyku ŭłady źniali handlovyja punkty z vulicy Kastryčnickaj — minskaj chipstarštrase
U piatnicu na pierakrytaj na čas Jeŭrapiejskich hulniaŭ tusovačnaj i łoftavaj Kastryčnickaj vulicy pastavili pałatki dziaržpradpryjemstvaŭ. Heta vyklikała kpiny ŭ internecie. Ułady adreahavali chutka. Užo ŭ subotu z vulicy źnikła častka namiotaŭ — z adzieńniem i suvienirami, piša Tut.by.
Vulica Kastryčnickaja za niekalki hadoŭ nabyła svoj kałaryt i dziakujučy hetamu trapiła ŭ roznyja turystyčnyja daviedniki. Pra jaje ŭnikalnaści raspaviali i ŭ rekłamnym roliku Euronews da Jeŭrapiejskich hulniaŭ u Minsku. Moładź lubić Kastryčnickuju za dušeŭnaść, tusoŭki i tvorčuju atmaśfieru. Dziakujučy prajektu Vulisa Brasil Kastryčnickuju ŭpryhožyli šmatlikija hrafici.
Tamu kali tam źjavilisia pałatki ź biełaruskim trykatažam i pledami, a jašče naviesy piŭnoha vytvorcy i šašłyki, heta pryciahnuła ŭvahu mnohich ŚMI.
— Pałatki z adzieńniem sapraŭdy prybrali. Asnoŭnaje abureńnie było z nahody ich, hetych pledaŭ z valonkami, — raspavioŭ zasnavalnik i art-dyrektar kłuba «Chulihan» na Kastryčnickaj Maks Starcaŭ. — Praŭda, nichto nie razumieje, ci syšli jany adsiul nazaŭždy. Zastalisia pałatki z šašłyčkami, pivam. Heta taksama nas nie zadavalniaje, viadoma. Heta ŭsio tyja samyja zony haścinnaści, jakija źjavilisia ŭ Minsku padčas čempijanatu śvietu pa chakiei. Ale navošta heta na Kastryčnickaj?
Suzasnavalnik halerei «Ŭ» Alaksandr Vasilevič taksama ŭ kursie, što z hetaj vulicy prybrali pałatki z adzieńniem. Ale čuŭ, što zastalisia namioty ź pivam i šašłykami: «Z punktu hledžańnia biznesu — viadoma, heta drenna. Drenna ŭvieś horad pieratvarać u adno i toje ž. Hetaja historyja prosta demanstruje krochkaść usiaho, što stvarajecca ludźmi ŭ Minsku».
Stanisłaŭ Baturčyk, saŭładalnik ŭstanovy BurgerLab, ździŭlajecca, čamu, płanujučy handlovuju zonu na Kastryčnickaj, haradskaja administracyja nie źviarnułasia pa paradu:
— Heta prosta nie stylna naohuł. Heta nie pryciahnie da nas turystaŭ. My ž udzielničajem u roznych fiestyvalach nakštałt Vulitsa Ezha, tam ža chłopcy imknucca rabić usio stylna, pryhoža, sučasna. Možna ž było źviarnucca da ich.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym1
Kamientary