Budźcie aściarožnyja! U pakiety Je-dastaŭki kładuć suchi lod, tempieratura jakoha minus 79 hradusaŭ
Karystalnik fejsbuka Pavieł Bieraśnieŭ źviarnuŭ uvahu na toje, što razam z zamarožanymi praduktami jamu dastavili suchi lod.
«Tam kapiec što napisana: minus 79 hradusaŭ, u ruki nie brać (a to imhniennyja apioki), na stalešnicy nie kłaści i h.d. I choć by papiaredzili, a to ja pryjšoŭ, kinuŭ nierazabranyja pakiety na padłohu na kuchni, a tam dzieci, kociki… Dobra, što nichto nie paśpieŭ uleźci», — piša Pavieł Bieraśnieŭ.
U słužbie dastaŭki patłumačyli «Našaj Nivie», što heta nie navinka i što pakiety z suchim lodam dastaŭlajucca razam z zamarožanymi praduktami ŭžo praciahły čas.
«U tavarnym čeku ŭsia infarmacyja pra lod napisanaja. Lepš za ŭsio jaho addać nazad kurjeru. Kali ž vy zabylisia pra heta, to lepš aściarožna vynieści jaho na dvor. Rastvarać jaho ŭ kvatery niepažadana — moža ŭźniknuć dymavaja zasłona», — adkazali ŭ słužbie dastaŭki.
Pry hetym u Je-dastaŭcy paabiacali, što źviernuć uvahu kurjeraŭ na toje, kab tyja adrazu papiaredžvali, što ŭ pakiecie z zamarožanymi praduktami znachodzicca suchi lod.
Suchi lod — heta ćviordy dyjaksid vuhlarodu, CO2. Pry atmaśfiernym cisku tempieratura suchoha lodu -79° C, pry nahrevie jon adrazu pierachodzić ź ćviordaha stanu ŭ hazapadobny. Suchi lod nie maje smaku i pachu, pry vypareńni nie pakidaje śladoŭ, sterylny pradukt, nie atrutny. Pry karystańni suchim ildom nieabchodna vykonvać miery biaśpieki. Pry pracy ź im treba karystacca palčatkami. Nadzvyčaj nizkaja tempieratura praduktu pry kantakcie sa skuraj moža spravakavać surjoznyja apioki.
Chto ź biełarusaŭ trapiŭ na pryjom da prezidenta Polščy ŠMAT FOTA10
Kamientary