Urad zaćvierdziŭ novyja miery pa adstrele dzika. Ciapier za adstreł adnoj asobiny karystalniki palaŭničych haspadarak buduć abaviazany vypłacić palaŭničamu 5 bazavych (127,5 rubla), a nie 2 bazavyja (51 rubiel), jak było raniej.
— Dakumient budzie sadziejničać bolš efiektyŭnaj baraćbie ź niedapuščeńniem raspaŭsiudžvańnia na terytoryi krainy afrykanskaj čumy śviniej i inšych niebiaśpiečnych chvarob žyvioł, — rastłumačyli ŭ Minlashasie.
Pa zakanadaŭstvie palavać na dzika možna ŭ arandavanych palaŭničych uhodździach albo ŭ tych, jakija znachodziacca ŭ biazvypłatnym karystańni.