Bombu časoŭ Druhoj suśvietnaj vajny, znojdzienuju niedaloka ad štab-kvatery Jeŭrapiejskaha centralnaha banka (JECB) ŭ Frankfurcie-na-Majnie, paśpiachova abiasškodzili. Pra heta paviedamlaje RBK sa spasyłkaj na tvitar pažarnaj słužby horada.
Paśla taho jak bojeprypas vahoj 500 kh znajšli na budaŭničaj placoŭcy, byli evakuiravanyja 16,5 tysiač žycharoŭ.
U kompleks štab-kvatery na bierazie Majna ŭvachodzić histaryčnaja słavutaść: były aptovy rynak, pabudavany ŭ 1928 hodzie, jaki byŭ centram departacyi jaŭrejaŭ padčas Druhoj suśvietnaj vajny.
Jeŭrapiejski centralny bank adkryŭ novuju štab-kvateru ŭ Frankfurcie-na-Majnie ŭ sakaviku 2015 hoda. Budaŭnictva dvuch 185-mietrovych šklanych viežaŭ, raźmieščanych na płoščy 120 tys. kv. m, abyšłosia ŭ € 1,3 młrd.
