Sajuznaj dziaržavie važna poŭnaje vykanańnie bakami ŭziatych na siabie abaviazacielstvaŭ.
Ihar Marzaluk, fota Siarhieja Hudzilina
Takoje mierkavańnie BiełTA pa vynikach biełaruska-rasijskich pieramoŭ u Sankt-Pieciarburhu vykazaŭ staršynia Pastajannaj kamisii pa adukacyi, kultury i navucy Pałaty pradstaŭnikoŭ Ihar Marzaluk.
«Ja liču, što samaje hałoŭnaje — da 8 śniežnia pavinny być realizavany tyja rašeńni ŭ ramkach Sajuznaj dziaržavy, jakija daŭnym-daŭno prahavoranyja, ratyfikavanyja i pavinny być biezumoŭna pryniatyja da vykanańnia. Samaje važnaje — heta sapraŭdnaja roŭnaść usich subjektaŭ haspadarańnia jak na terytoryi Biełarusi, tak i Rasii. Biełaruś zaŭsiody hetuju pazicyju paśladoŭna adstojvaje. Tamu chaciełasia b vyraznaści, sumlennaści i hałoŭnaje — vykanańnia adnym i druhim bokam uziatych na siabie abaviazacielstvaŭ. Biełaruski bok uziatyja na siabie abaviazacielstvy vykonvaje ŭ poŭnym abjomie», — raspavioŭ Ihar Marzaluk.
Pavodle jaho słoŭ, pamiž partniorami nie pavinna być jakich-niebudź nadumanych barjeraŭ.
«Sajuz roŭnych pavinien być sajuzam roŭnych, kab nie było niesumlennaj kankurencyi. Chaj budzie sumlennaja kankurencyja, chaj budzie roŭnaść subjektaŭ i nie budzie nijakich nadumanych barjeraŭ ni na pastaŭku našaj pradukcyi, ni na pracu našych karparacyj i kampanij, tamu što my ŭsie hetyja rečy vyrazna vykonvajem, — adznačyŭ staršynia kamisii. — I my chočam, kab tak, jak ciapier kamfortna siabie adčuvajuć na našaj terytoryi rasijskija subjekty haspadarańnia, u tym liku i biźniesu, kab urešcie heta stała realnaściu ŭ dačynieńni da biełaruskich subjektaŭ haspadarańnia. My nie chočam prefierencyj. My chočam roŭnaści va ŭzajemaadnosinach pamiž našymi subjektami. Dla nas — heta samaje hałoŭnaje. Kali heta budzie, tady sajuz budzie realnaściu».