Incydent zdaryŭsia ŭ Ščučynskim dziaržaŭnym sielskahaspadarčym licei. Student pieršaha kursa Mark Chańko stvaryŭ u internecie žartaŭlivuju pietycyju z umovami, jakija pavinna vykanać administracyja liceja. U advarotnym vypadku jon zaklikaŭ da šturmu ŭstanovy.
Mark Chańko. Fota instagram.com.
Chańko natchniŭsia prykładam miema pra amierykanskuju vajskovuju bazu «Zona 51». U internecie pietycyju pra mahčymy šturm bazy padpisała ŭžo kala 2 miljonaŭ čałaviek. Sprava ŭ tym, što ŭ ZŠA papularny miem, što na toj bazie ŭ nievadskaj pustyni jość inšapłanietniki i NŁA, maŭlaŭ, ludzi chočuć viedać praŭdu.
U vyniku Marka Chańko vyklikali na razmovu da kiraŭnictva liceja. Aŭdyja ŭ svaim telehram-kanale raźmiaściŭ błohier Nexta. Vyhladaje, što z chłopcam razmaŭlaŭ dyrektar liceja Dźmitryj Markievič, a taksama adna z vykładčyc Nastaśsia Andryjasava.
Nastaśsia Andryjasava. Fota ok.ru.
«Ty, bł***ć, paŭdurak, pa-inšamu ciabie nie nazavieš. Ty kali hetuju chu***niu pra inšapłanietnikaŭ čytaŭ, moža, taksama dumaŭ, što tut inšapłanietniki vučacca? Što ž ty, končanaja tvaja morda, chu***niu roznuju pišaš? Ty ž debił čystaj vady! I hetamu debiłu aŭtamat praz hod daduć u armii. Pi***iec ža budzie, pojdzieš šturmavać vajskovuju častku? Prydurak! Voś ciabie nie daj boh niechta kłanuje. Heta ž takija debiły, što horš za inšapłanietnikaŭ budzie», — kaža na aŭdyja žanočy hołas.
«Heta dziaržaŭnaja ŭstanova, heta ty, ličy, što na baćku ruku padniaŭ. Ty kazačny da***b», — heta ŭžo hołas, padobny da dyrektara ŭstanovy.
«Zaŭtra ŭ nas kamisija RUUS, dyk užo rahatać budu ja, jak my budziem raźbiracca ź niedaroščanym terarystam», — praciahvaje dyrektar liceja. Potym Dźmitryj Markievič pałochaje 17-letniaha padletka mahiloŭskaj kałonijaj. Nastaśsia Viktaraŭna paćviardžaje, što ŭ turmie jamu budzie niaprosta.
Dźmitryj Markievič (źleva). Fota dzyannica.by.
«Skažu adno: nakont pietycyi — heta byŭ žart. U astatnim ja nie chaču ničoha kamientavać», — skazaŭ nam Mark Chańko.
U Ščučynskim rajvykankamie «Našaj Nivie» paćvierdzili, što ceły dzień 19 lipienia iduć raźbiralnictvy nakont hetaha incydentu, praŭda, ni da jakich vysnovaŭ jašče nie pryjšli.
«Biez kamientaroŭ», — skazała «NN» Nastaśsia Andryjasava i kinuła słuchaŭku.
Što tyčycca dyrektara liceja, to na pracy jon 19 lipienia adsutničaŭ, jeździŭ u Hrodna. Jaho žonka skazała «NN», što z pracy jon «pakul što nie zvolnieny». Viadziecca raźbiralnictva.
