Novy premjer-ministr Brytanii Barys Džonsan i jaho kachanka kupili ŭtulny domik u zacišnym kutku Łondana. Heta zdaryłasia zusim niadaŭna, bo susiedzi raskazali žurnalistam haziety «Dejli mejł», što 31-hadovaja Kary Sajmandz na minułym tydni razam sa svajoj mamaj zavoziła tudy meblu.
Tak vyhladali interjery doma na momant prodažu.
Trochpaviarchovy dom u viktaryjanskim styli ź vidam na park u paŭdniovaj častcy Łondana kaštavaŭ 1,3 młn funtaŭ sterlinha (heta kala 3,3 miljona biełaruskich rubloŭ). Jaho płošča składaje kala 185 kvadrataŭ, u im čatyry spalni plus vialikaja haścioŭnia.
Tak vyhladali interjery doma na momant prodažu.
Tak vyhladaŭ dvoryk doma na momant prodažu.
Cikava, što palityčnyja praciŭniki Džonsana zreahavali imhnienna: u navakolnym parku niechta raźviešaŭ płakaciki z nadpisam «Jak susieda my jaho pieracierpim, ale jak premjer-ministra — ni za što!»
U navakolnym parku niechta raźviešaŭ płakaciki z nadpisam «Jak susieda my jaho pieracierpim, ale jak premjer-ministra — ni za što!»
55-hadovy Džonsan admietny svaim niestandartnym stylem pavodzin, jaki vybivajecca z kansiervatyŭnaj tradycyi ŭłasnaj partyi. Jaho nienavidzić jeŭrapiejski isteblišmient — jon byŭ adnym z matoraŭ Brekzitu, zatoje jaho cenić prezident ZŠA Donald Tramp.
Ludzi ŭ kvartale, miakka kažučy, nie ŭ zachapleńni ad novaha susieda, bo adčuvajuć, što heta adabjecca na ich spakoi. Heta ŭ Biełarusi žychary radujucca, što ŭ ich na vulicy źjavicca jakasny asfalt, čystyja kantejniery dla śmiećcia i pryhožyja kłumby, kali tudy pierasielicca staršynia rajvykankama, u Łondanie ŭsio heta i tak jość va ŭsich.
Džonsan raźvioŭsia sa svajoj papiaredniaj, druhoj žonkaj hod tamu paśla 25 hadoŭ šlubu i syšoŭsia z našmat maładziejšaj za jaho Kary Sajmandz.
Dom, u jakim Džonsan žyŭ razam z druhoj žonkaj, jany ciapier pradajuć, prosiać za jaho 3,75 miljona funtaŭ.
Žančyna Džonsana na 24 hady maładziejšaja za jaho.
Z Sajmandz jany da taho žyli na zdymnaj kvatery. U minułym miesiacy susiedzi tam vyklikali palicyju, bo pačuli skandał i kryki. Achoŭniki paradku byli niamała ździŭlenyja, kali ŭ kvatery znajšli kandydata ŭ premjery.
U Džonsana ci to piać, ci to šeść dziaciej ad niekalkich žančyn, pryčym dzicia ad druhoj žonki naradziłasia praź siem tydniaŭ paśla razvodu ź pieršaj, a padčas druhoha šlubu naradziłasia jašče i pazašlubnaje dzicia, a moža być, i dvoje. Džonsan namahaŭsia zabaranić ŚMI publikavać artykuł pra svaju pazašlubnuju dačku, ale sudździa pastanaviŭ dazvolić publikacyju z farmuloŭkaj: «ludzi majuć prava viedać pra jaho nierazvažlivyja pavodziny». Voś taki kansiervatar staŭ novym kiraŭnikom Brytanii.