Pra heta paviedamiŭ u svaim fejsbuku Hleb Łabadzienka.
«Siońnia ŭ enierhazbycie mnie paviedamili, što za śviatło dla Valanciny Baradulinaj pastupiła 650 (!) płaciažoŭ, pieraličanych hrošaj chopić na kolki hod napierad. Enierhazbyt uražany. Ja taksama! Salidarnaść, tałaka — voś čym my mocnyja! Tolki razam možna ŭziać i ahorać niejkuju spravu, jakaja adnamu-dvum-trom nie pad siłu. Razmaŭlaŭ zaraz z Valancinaj Michajłaŭnaj, jana rasčulenaja i vielmi-vielmi ŭsim dziakavała. Kaža, nie čakała, što niechta adhukniecca na jaje biadu ciapier, kali dziadźki Ryhora niama. ale zorka Baradulina achoŭvaje jaje i ciapier… Nizki ŭsim pakłon, ludzi!» — napisaŭ jon.
Pra toje, što Valancinie Baradulinaj adklučyli elektryčnaść za niaspłatu (917 rubloŭ), stała viadoma ŭ minuły čaćvier. U toj ža dzień na zaklik Hleba Łabadzienki biełarusy «skinulisia» na spłatu zapazyčanaści.
Valancina Baradulina raspaviała «Našaj Nivie», što piać hadoŭ nie płaciła za elektryčnaść, bo raniej usie płataj za kamunalnyja pasłuhi zajmaŭsia muž, a paśla jaho śmierci nie viedała, što za śviatło treba apłočvać pa asobnym rachunku.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary