Daktary zafiksavali ŭsychańnie mozhu ŭ amierykanskich dypłamataŭ, jakija pieražyli «hukavuju ataku» ŭ pasolstvie ZŠA na Kubie
Zhodna z novym daśledavańniem, amierykanskija dypłamaty, jakija stali achviarami mierkavanaha «hukavoha napadu» na Kubie, sapraŭdy mahli paciarpieć ad paškodžańnia mozhu, piša Daily Mail.
Daśledčyki z Univiersiteta štata Piensilvanija kažuć, što jany vyjavili prykmiety źmien mozhu, jakija pakazvajuć na toje, što adbyłosia niešta złaviesnaje.
Analizujučy skany mozhu 40 dypłamataŭ, kamanda vyjaviła adroźnieńni ŭ šerym rečyvie ŭ paraŭnańni sa zdarovymi ludźmi. Vyśvietliłasia, što mazhi dypłamataŭ «ścisnulisia».
Byŭ zakranuty mazžačok, jaki adkazvaje za chadžeńnie, piśmo i inšyja funkcyi arhanizma.
U šerahu dypłamataŭ vyjaŭlenyja parušeńni bałansu i skaardynavanaha ruchu vačej, što źviazana z dysfunkcyjaj mazžačka ŭ mozhu.
U 2016 hodzie supracoŭniki ŭrada ZŠA, jakija pracujuć u Havanie, i členy ich siemjaŭ pačali paviedamlać pra mnostva nieŭrałahičnych prablem.
Da ich adnosiacca ciažkaści z kancentracyjaj uvahi i pamiaćciu, hałavakružeńnie, prablemy sa zrokam i bałansam. Jany byli źviazany z raptoŭnym, vielmi hučnym šumam, čutnym u ich damach i haściničnych numarach.
Pakul što nie jasna, što zdaryłasia. Čynoŭniki Dziarždepartamienta vykazali zdahadku, što heta mahła być hukavaja ataka, ale pierakanaŭčych dokazaŭ hetaj teoryi znojdziena nie było.
Simptomy dypłamataŭ padobnyja na tyja, jakija vyjaŭlajucca pry strasieńni mozhu, ale nie było nijakich prykmiet tupoj traŭmy hałavy.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary