Mahčymyja zamiežnyja vajennyja avantury i brutalizacyja režymu ŭnutry krainy. «U Kramli ciapier siadziać nie aściarožnyja savieckija biurakraty, a pacany biez pryncypaŭ, jakija mnohim ryzykavali, kab apynucca tam, dzie jany jość».
Mahčymyja zamiežnyja vajennyja avantury i brutalizacyja režymu ŭnutry krainy. «U Kramli ciapier siadziać nie aściarožnyja savieckija biurakraty, a poŭnyja admarozki, jakija mnohim ryzykavali, kab apynucca tam, dzie jany jość».
U vyniku padzieńnia cenaŭ na naftu moža vyraści pahroza z boku Rasii. Kreml vykarystoŭvaje kantrol nad syravinnymi bahaćciami krainy dla viartańnia Rasii statusu supierdziaržavy. Prybytkami ad enierharesursaŭ rasparadžajecca ŭładnaja hrupoŭka, jany vykarystoŭvajucca dla podkupu kiraŭnikoŭ krainaŭ byłoha SSSR.
Pry Pucinu
ekanamičnaja ŭłada ŭ Rasii skancentravałasia ŭ rukach dźviuch hrupaŭ: tych, jakija vałodajuć niejkimi vytvorčaściami, i tych, jakija kantralujuć finansavyja płyni. Pieršyja kulturniejšyja i bolš prazachodnija.Ich hrošy zachoŭvajucca za miažoj, ich dzieci vučacca na Zachadzie. Druhija vykarystoŭvajuć svaju ŭładu biespasiarednie. Pieršym kryzis paabłomvaŭ kryły, druhich nie začapiŭ. Kryzis uzmacniŭ niekantralavanuju ŭładu dziaržavy, jakaja vydzieliła značnuju častku zołatavalutnych reziervaŭ na dafinansavańnie i pierakup aktyvaŭ tych pieršych.
Heta istotny praces. Pry paharšeńni ekanamičnych pierśpiektyvaŭ režym Pucina budzie ŭ bolšaj stupieni ŭžyvać niedemakratyčnyja rašeńni. Bo ž
u Kramli ciapier siadziać nie aściarožnyja savieckija biurakraty, a pacany biez pryncypaŭ, jakija mnohim ryzykavali, kab apynucca tam, dzie jany jość.Nastupstvam mohuć być zamiežnyja vajennyja avantury i brutalizacyja režymu ŭnutry krainy.
Tolki źjadnanaja Jeŭropa moža procistajać hieapalityčnamu vykliku z boku Rasii. Adnak supolnaja jeŭrapiejskaja palityka nie moža być čysta hieapalityčnaj. Supolnych jeŭrapiejskich intaresaŭ niedastatkova, kab pieravažyć intaresy nacyjanalnyja, haspadarčyja. Rasija moža padzialać i panavać — i jana ŭžo toje robić.
Klučom da niejtralizacyi hieapalityčnaj pieravahi Rasii moža być supolnaja jeŭrapiejskaja enierhietyčnaja palityka, stvareńnie ahulnajeŭrapiejskaj sietki dystrybucyi i nadnacyjanalnaj rehulujučaj bazy.Heta zrabiła b dla Rasii niemahčymym sutykańnie krainaŭ Jeŭropy miž saboj.
Vielmi važna taksama padtrymlivać pryncypy pravavoj dziaržavy i mižnarodnuju supracu i ... nadańnie asablivaj uvahi susiedziam Rasii. Samoj Rasii ŭprost pamahčy niemahčyma z pryčyny jaje poŭnaj zaležnaści ad aŭtarytarnaha kiraŭnictva. Adnak kali Maskva pabačyć kroki napierad u mižnarodnym supracoŭnictvie, asabliva Zachadu i Kitajem, Rasija sama nie zachoča zastavacca na ŭzbočynie.
Finansavy kryzis taksama pravieryć na mocnaść finansavuju sistemu. U ES jość adzinaja valuta, ale niama adzinaj padatkovaj palityki ani skarbu. Ciapier vydatki hetaha vyjavilisia jak najiaśniej i nie vyklučana, što nastupstvam stanie raspad zony jeŭra. Naležnaść da jaje daje pieravahi: prablemnaja Hrecyja mienš paciarpieła ad kryzisu, čym Danija. Adnak nie vyklučana, što pry pravilnym padychodach zona jeŭra vyjdzie z kryzisu macniejšaj.
Minčuk zabiŭ maci i cieścia, a paśla 15 hadoŭ atrymlivaŭ za ich piensiju1
Kamientary